ମୁମ୍ବାଇ: ବଲିଉଡ୍ ଅଭିନେତ୍ରୀ କାଜଲ ଅଗ୍ରଓ୍ବାଲ ନିକଟରେ ବ୍ୟବସାୟୀ ଗୌତମ କିଚଲୁଙ୍କୁ ବିବାହ କରିଛନ୍ତି। ଏବେ ଏବେ କାଜଲ ସ୍ବାମୀ ଗୌତମଙ୍କ ସହ ମାଳଦ୍ୱୀପରେ ହନିମୁନ୍ କରି ମୁମ୍ବାଇ ଫେରି ଆସିଛନ୍ତି। ତେବେ ସୋସିଆଲ ମିଡିଆରେ ସେମାନଙ୍କର ହନିମୁନ୍ର ଫଟୋ ଭାଇରାଲ ହେଉଛି। କାଜଲ କ୍ରମାଗତ ଭାବରେ ସେହି ସମୟର ଫଟୋଗୁଡ଼ିକୁ ନିଜ ଇନ୍ଷ୍ଟାଗ୍ରାମ ଆକାଉଣ୍ଟରେ ଶେୟାର କରୁଛନ୍ତି। ନିକଟରେ କାଜଲ ଇନ୍ଷ୍ଟାଗ୍ରାମରେ କିଛି ନୂଆ ଫଟୋ ଶେୟାର କରିଛନ୍ତି, ଯେଉଁଥିରେ ଏହି ନବ ବିବାହିତ ଦମ୍ପତି ଅଣ୍ଡର ଓ୍ବାଟର ରୋମାନ୍ସ କରୁଥିବା ଦେଖିବାକୁ ମିଳିଛି। ଯାହାକୁ ପ୍ରଶଂସକ ଏବଂ ଅନୁଗାମୀମାନେ ଖୁବ୍ ପସନ୍ଦ କରିଛନ୍ତି। ଫଟୋରୁ ଗୋଟିଏ କଥା ସ୍ପଷ୍ଟ ହେଉଛି ଯେ, କାଜଲ ଜଣେ ଓ୍ବାଟର ବେବି। ସେ ଓ୍ବାଟର ଫ୍ରଣ୍ଟ୍ରେ ରହିବାକୁ ପୂରା ପସନ୍ଦ କରନ୍ତି।
ଅକ୍ଟୋବର ୩୦ରେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିବା ବେଳେ ହନିମୁନ୍ ମନାଇବାକୁ ମାଳଦ୍ୱୀପ ଯାଇଥିଲେ।