ଲୋଇସିଂହା,୧୪ା୫(ଡି.ଏନ.ଏ): ବଲାଙ୍ଗୀର ଜିଲା ଲୋଇସିଂହା ବ୍ଲକରେ ଥିବା ସୁଜିଆ ଡ୍ୟାମ ଏବେ ଶୁଖିଲା ପଡିଛି। ମାଟି ଉନ୍ନତୀକରଣ ପାଇଁ ଡ୍ୟାମରୁ ପାଣି କାଟି ଦିଆଯାଇଥିଲା। ମେ ଅଧା ମାସ ବିତି ଯାଇଥିଲେ ବି ଡ୍ୟାମର ମାଟି ପୁନରୁଦ୍ଧାର କାମ ଆରମ୍ଭ ହୋଇନାହିଁ। ଅପରପକ୍ଷରେ ଡ୍ୟାମ ପରିସରରେ ଚହଲା ଖନନ କରି ଜଳକଷ୍ଟ ଦୂର କରିବା ପାଇଁ ପଞ୍ଚାୟତ କର୍ତ୍ତୃପକ୍ଷଙ୍କୁ ଏପ୍ରିଲ ୧୫ତାରିଖରେ ଗ୍ରାମବାସୀ ଲିଖିତ ଭାବେ ଜଣାଇଥିଲେ। ହେଲେ ପଞ୍ଚାୟତ ପକ୍ଷରୁ ଏ ଦିଗରେ ପଦକ୍ଷେପ ନିଆଯାଇନାହିଁ। ଫଳରେ ଡ୍ୟାମ ଉପରେ ନିର୍ଭର କରୁଥିବା କୁଟେନପାଲି ପଞ୍ଚାୟତ ଅନ୍ତର୍ଗତ ବୁଦେଲବାହାଲି ଗ୍ରାମବାସୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଗ୍ରାମବାସୀ ତୀବ୍ର ଅସନ୍ତୋଷବ୍ୟକ୍ତ କରିଛନ୍ତି।
କୁଟେନପାଲି ପଞ୍ଚାୟତ ଅନ୍ତର୍ଗତ ୨ଓ୍ବାର୍ଡ ବିଶିଷ୍ଟ ବୁଦେଲବାହାଲି ଗାଁ ଉପରମୁଣ୍ଡରେ ସୁଜିଆ ଡ୍ୟାମ ରହିଛି। ଶତାଧିକ ଏକର ପରିସୀମାକୁ ନେଇ ୧୯୫୦ ମସିହା ବେଳକୁ ଏହି ଡ୍ୟାମ ପ୍ରତିଷ୍ଠା ହୋଇଥିଲା। ଉକ୍ତ ଡ୍ୟାମ ଏବେ କ୍ଷୁଦ୍ର ଜଳସେଚନ ବିଭାଗ ଅଧୀନରେ ା ବିଭାଗୀୟ ଅବହେଳା ତଥା ରକ୍ଷଣାବେକ୍ଷଣ ଅଭାବରୁ ବନ୍ଧ ଦୁର୍ବଳ ଛିଦ୍ର ସୃଷ୍ଟି ହେବା ସହ ମାଟିରେ ପୋତି ହୋଇ ଜଳ ଧାରଣ କ୍ଷମତା ହରାଇ ବସିଥିଲା। ଦୀର୍ଘ ଦାବି ପରେ ଚଳିତ ବର୍ଷ ବିଭାଗ ପକ୍ଷରୁ ବନ୍ଧ ମରାମତି କାମ କରାଯାଇଛି। ପୁରୁଣା ଗେଟକୁ ଭାଙ୍ଗି ନୂତନ ଗେଟ ଲଗାଇଯାଇଛି। ତେବେ କାମ ନିମ୍ନମାନର ବୋଲି ବୁଦେଲବାହାଲି ଗ୍ରାମବାସୀ ଏବଂ ପୂର୍ବତନ ସଭ୍ୟ ସରୋଜ ଭୋଇ ଅଭିଯୋଗ କରିଛନ୍ତି। ପୁନରୁଦ୍ଧାର ପାଇଁ ଡ୍ୟାମର ପାଣିକୁ ଗତ ଫେବୃୟାରୀ ମାସରେ କାଟି ଦିଆଯାଇଥିବାରୁ ଏବେ ଶୁଖିଲା ପଡିଛି ା ସ୍ନାନଶୌଚାଦି ପାଇଁ ଡ୍ୟାମରେ ୨ଟି ଚହଳା ଖନନ ପାଇଁ ମାସକ ତଳେ ପଞ୍ଚାୟତ କର୍ତ୍ତୃପକ୍ଷଙ୍କୁ ଲିଖିତ ଦାବି କରାଯାଇଥିଲେ ବି କୌଣସି ସୁଫଳ ନ ମିଳିବାରୁ ପାଣି ପାଇଁ ଲୋକେ ପାଣି ପାଇଁ ଆଉଟପାଉଟ ହେଉଥିବା ୱାର୍ଡସଭ୍ୟ କିଶୋରଚନ୍ଦ୍ର ବିଶି, କପୁରଚରଣ ବିଶି, ଅନ୍ତ ପଧାନ, ପୁରୁଷୋତ୍ତମ ଧରୁଆ, ଭୁବନେଶ୍ୱର ଧରୁଆ ପ୍ରମୁଖ ଅଭିଯୋଗ କରିଛନ୍ତି। ଅନ୍ୟନୋପାୟ ହୋଇ ଡ୍ୟାମ ପରିସରରେ ପରିତ୍ୟକ୍ତ ଅବସ୍ଥାରେ ଥିବା ଚହଳାର ଦୂଷିତ ପାଣିକୁ ଗ୍ରାମବାସୀ ବ୍ୟବହାର କରିବାକୁ ବାଧ୍ୟ ହେଉଥିବା ସେମାନେ ଅଭିଯୋଗ କରିଛନ୍ତି। ଜିଲା ପ୍ରଶାସନ ଏଦିଗରେ ଅବିଳମ୍ବେ ପଦକ୍ଷେପ ନେବାକୁ ଗ୍ରାମବାସୀ ଦାବି କରିଛନ୍ତି। ଏନେଇ ବିଡିଓ ଆକାଶ ରଞ୍ଜନ ସାହୁଙ୍କୁ ପଚାରିବାରୁ ଏ ଦିଗରେ ଖୁବଶୀଘ୍ର ପଦକ୍ଷେପ ନିଆଯିବ ବୋଲି କହିଛନ୍ତି।
