ନୂଆଦିଲ୍ଲୀ,୧।୮: ନରେନ୍ଦ୍ର ମୋଦିଙ୍କ ନେତୃତ୍ୱରେ ଭାଜପା ସରକାର ସମୟରେ ନୂତନ ପାର୍ଲିଆମେଣ୍ଟ ବିଲ୍ଡିଂର ନିର୍ମାଣକୁ ଏକ ବଡ଼ ଉପଲବ୍ଧି କୁହାଯାଉଥିଲା ବେଳେ ଏଥିରୁ ବର୍ଷା ପାଣି ଗଳିବା ଆରମ୍ଭ ହୋଇଛି। ଯାହାକୁ ନେଇ କଂଗ୍ରେସ ସମେତ ସମସ୍ତ ବିରୋଧୀ ଦଳ ଭାଜପାକୁ କଟାକ୍ଷ କରିବା ଆରମ୍ଭ କରିଛନ୍ତି।
ତାମିଲନାଡୁର କଂଗ୍ରେସ ସାଂସଦ ମାଣିକମ୍ ଟାଗୋରଙ୍କ ଦ୍ୱାରା ପୋଷ୍ଟ କରାଯାଇଥିବା ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ସେୟାର କରାଯାଉଥିବା ଭିଡିଓରେ ନୂତନ ସଂସଦ ଭବନ ଭିତରେ ପାଣି ଗଳୁଥିବା ଦେଖିବାକୁ ମିଳିଥିଲା। ଭିଡିଓରେ ଏହା ଦେଖିବାକୁ ଛାତରୁ ପାଣି ଗଳୁଛି ଏବଂ ପଡୁଥିବା ପାଣି କିପରି ସବୁଆଡେ ବିସ୍ତାର ନହୁଏ ସେଥିପାଇଁ ଚଟାଣରେ ବାଲ୍ଟି ରଖାଯାଇଛି।
କଂଗ୍ରେସ ନେତା ସୋସିଆଲ ମିଡିଆରେ ଲେଖିଛନ୍ତି, “ବାହାରେ ପ୍ରଶ୍ନପତ୍ର ଲିକ୍, ଭିତରର ପାଣି ଲିକ୍। ରାଷ୍ଟ୍ରପତିଙ୍କ ଦ୍ୱାରା ବ୍ୟବହୃତ ସଂସଦ ଲବିରେ ସମ୍ପ୍ରତି ପାଣି ଗାଳିବା ନୂତନ ବିଲ୍ଡିଂରେ ପାଣିପାଗ ସମ୍ବନ୍ଧୀୟ ସମସ୍ୟାକୁ ଦର୍ଶାଉଛି।” ଏହି ନୂତନ ବିଲ୍ଡିଂ ନିର୍ମାଣ ହେବାର କେବଳ ଗୋଟିଏ ବର୍ଷ ପରେ ଏହି ଚିତ୍ର ଆସିଛି।
କଂଗ୍ରେସ ନେତା ଏହି ଭିଡିଓ ପୋଷ୍ଟ କରିବା ପରେ ସୋସିଆଲ ମିଡିଆ ବ୍ୟବହାରକାରୀମାନେ ଏହି ଘଟଣା ଉପରେ ବିଭିନ୍ନ କମେଣ୍ଟ ଦେଉଛନ୍ତି।
Paper leakage outside,
water leakage inside. The recent water leakage in the Parliament lobby used by the President highlights urgent weather resilience issues in the new building, just a year after completion.
Moving Adjournment motion on this issue in Loksabha. #Parliament pic.twitter.com/kNFJ9Ld21d— Manickam Tagore .B🇮🇳மாணிக்கம் தாகூர்.ப (@manickamtagore) August 1, 2024
ସେହିଭଳି ସମାଜବାଦୀ ପାର୍ଟିର ମୁଖ୍ୟ ତଥା ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବ ଏକ ସୋସିଆଲ ମିଡିଆ ପୋଷ୍ଟରେ କହିଛନ୍ତି, “ପୁରୁଣା ସଂସଦ ଏହି ନୂତନ ସଂସଦ ଅପେକ୍ଷା ଭଲ ଥିଲା, ଯେଉଁଠାରେ ପୁରୁଣା ସାଂସଦମାନେ ମଧ୍ୟ ସାକ୍ଷାତ କରି ପାରନ୍ତି। ତେଣୁ ପୁଣି ପୁରୁଣା ସଂସଦରେ କାର୍ଯ୍ୟକ୍ରମ ଚାଲୁ, ସେ ପର୍ଯ୍ୟନ୍ତ କୋଟି କୋଟି ଟଙ୍କାରେ ନିର୍ମିତ ସଂସଦରେ ଜଳ ନିଷ୍କାସନ କାର୍ଯ୍ୟକ୍ରମ ଚାଲୁଥାଉ। “
