ବଡ଼ମ୍ବା,୩।୮(ମାୟାଧର ମଲ୍ଲିକ )କଟକ ଜିଲା ବଡ଼ମ୍ବାର ଅଧିଷ୍ଠାତ୍ରୀ ଦେବୀ ମା’ ଭଟ୍ଟାରିକାଙ୍କ ଭଜନ ମଣ୍ଡପ ଓ ମନ୍ଦିରରେ ମହାନଦୀର ପ୍ରଥମ ବନ୍ୟାଜଳ ବୁଧବାର ରାତିରେ ପଶିଛି। ସନ୍ଧ୍ୟା ସୁଦ୍ଧା ମନ୍ଦିର ସମ୍ମୁଖରେ ଥିବା ସମସ୍ତ ପାହାଚ ବୁଡ଼ିଯିବା ସହ ମନ୍ଦିର ବେଢ଼ା ଉପରେ ପ୍ରବେଶ କରିଥିଲା। ମନ୍ଦିର ଭିତରକୁ ପାଣି ପ୍ରବେଶ କରିବା ପରେ ଭଟ୍ଟାରିକାଙ୍କ ଚଳନ୍ତି ବିଗ୍ରହକୁ ମନ୍ଦିର ନିକଟସ୍ଥ ରତ୍ନଗିରି ପାହାଡ଼ରେ ଥିବା ମା’ଙ୍କ ଆଶ୍ରୟସ୍ଥଳକୁ ସ୍ଥାନାନ୍ତର କରାଯାଇଛି ବୋଲି ମୁଖ୍ୟ ପୂଜକ ଶିରୀଶ ରଣା କହିଛନ୍ତି। ମନ୍ଦିର ନିକଟରେ ପୂଜକ ତଥା ମାଳୀ ସେବାୟତମାନେ ଓ ବଡ଼ମ୍ବା ଦେବୋତ୍ତର ବିଭାଗ କର୍ମଚାରୀ ବିପିନ ବିହାରୀ ମନ୍ଦିର ନିକଟରେ ସଜାଗ ରହିଛନ୍ତି।