ଖରାଦିନେ ତରଭୁଜ ଖାଇବାକୁ ପ୍ରାୟ ସମସ୍ତେ ପସନ୍ଦ କରନ୍ତି। ଆମ ଦେଶରେ ଏହାର ଭଲ ଉତ୍ପାଦନ ବି ହୋଇଥାଏ। ତେଣୁ କମ୍ ମୂଲ୍ୟରେ ବି ଏହା ମିଳିଯାଏ। ତେବେ ଚାଇନା, ଜାପାନ, ମାଲେସିଆ ଓ ଥାଇଲାଣ୍ଡରେ ଏମିତି ଏକ ପ୍ରକାରର ତରଭୁଜ ମିଳେ ଯାହାର ଦାମ ଆକାଶଛୁଆଁ। ଖାସ୍କରି ଜାପାନର ଉତ୍ତର ପୂର୍ବ ଆଇଲାଣ୍ଡରେ ହେଉଥିବା ଏହି ତରଭୁଜ ଡେନ୍ସୁକ୍ ନାମରେ ପରଚିତ। ଏହା ୫-୧୦ କି.ଗ୍ରା. ଓଜନରେ ଉପଲବ୍ଧ ହୁଏ। ଆଉ ଏହାର ମୂଲ୍ୟ ୪ ଲକ୍ଷରୁ ଉର୍ଦ୍ଧ୍ୱ। ଏହା ଏକ ସ୍ବତନ୍ତ୍ର ପ୍ରକାର ପରିବେଶରେ ବଢିଥାଏ। ଆଉ ଏଥିରେ ଖାସ୍ ପ୍ରକାରର ଖତ ବ୍ୟବହୃତ ହୁଏ। ଏଥିରେ ଅନ୍ୟ ତରଭୁଜ ଅପେକ୍ଷା ଅଧିକ ପାଣି ଥାଏ ଓ ଅଧିକ ମିଠା ଲାଗେ। ୨୦୦୮ରେ ପ୍ରଥମ କରି ଏହାର ଚାଷ ହୋଇଥିଲା। ସେତେବେଳେ ଏହା ୪ ଲକ୍ଷରେ ବିକ୍ରି ହୋଇଥିଲା। ଅନ୍ୟ ତରଭୁଜ ଅପେକ୍ଷା ଏଥିରେ ଅଧିକ ଜିଙ୍କ, ଆଇରନ, କପର, ପଟାସିୟମ ଆଦି ମହଜୁଦ ଥାଏ। ଚର୍ମରେ କୌଣସି ପ୍ରକାରର ସଂକ୍ରମଣ ପାଇଁ ଏହା ବେଶ ଉପାଦେୟ।