ସାଉଥାମ୍ପଟନ,୨୩।୬: ଚଳିତ ବିଶ୍ୱ ଟେଷ୍ଟ ଚାମ୍ପିୟନଶିପ୍ (ଡବ୍ଲ୍ୟୁଟିସି) ଫାଇନାଲର ନିର୍ଣ୍ଣାୟକ ତଥା ୬ଷ୍ଠ ଦିନ ପ୍ରଥମ ସେସନରେ ନ୍ୟୁଜିଲାଣ୍ଡ ଉଇକେଟକିପର ବ୍ୟାଟ୍ସମ୍ୟାନ ବି ଜେ ଓ୍ବାଟଲିଂଙ୍କ ଆଙ୍ଗୁଠି ଭାଙ୍ଗି ଯାଇଥିଲା। ଆହତ ସମସ୍ୟା ସତ୍ତ୍ୱେ ସେ ଦ୍ୱିତୀୟ ସେସନ ପାଇଁ ପଡ଼ିଆକୁ ଓହ୍ଲାଇବା ସହ ଉଇକେଟକିପିଂ କରିଥିଲେ। ଅନ୍ତର୍ଜାତୀୟ କ୍ୟାରିୟରର ଅନ୍ତିମ ମ୍ୟାଚ୍ ଖେଳୁଥିବା ୩୫ ବର୍ଷୀୟ ଓ୍ବାଟଲିଂଙ୍କ ନେତୃତ୍ୱରେ ପଡ଼ିଆକୁ ଓହ୍ଲାଇଥିଲା ନ୍ୟୁଜିଲାଣ୍ଡ ଦଳ। ଏହି ଅବସରରେ ତାଙ୍କୁ ଭାରତୀୟ ଅଧିନାୟକ ବିରାଟ କୋହଲି ଶୁଭେଚ୍ଛା ଦେଇଥିଲେ।
ପ୍ରଥମ ସେସନରେ ଓ୍ବାଟଲିଂଙ୍କ ଡାହାଣ ହାତର ପରି ଆଙ୍ଗୁଠି ଭାଙ୍ଗିଯାଇଛି। ଲଞ୍ଚ ବ୍ରେକ୍ ପୂର୍ବରୁ ଫିଲ୍ଡକୁ ଫେରିବା ପୂର୍ବରୁ ତାଙ୍କ ଚିକିତ୍ସା କରାଯାଇଥିବା ନ୍ୟୁଜିଲାଣ୍ଡ କ୍ରିକେଟ ପକ୍ଷରୁ ଟୁଇଟ୍ କରାଯାଇଛି। ଉଲ୍ଲେଖଥାଉ କି, ଏହା ଓ୍ବାଟଲିଂଙ୍କ କ୍ୟାରିୟରର ୭୫ତମ ଟେଷ୍ଟ ମ୍ୟାଚ୍।