ଶୀଘ୍ର ଉଠିବାକୁ ଚେଷ୍ଟା କରିବା ଦରକାର। କିଛି ବର୍ଷ ପୂର୍ବେ ଏସବୁ ନିୟମକୁ ଲୋକେ ଉପଯୋଗ କରୁଥିଲେ। ଏବେ କିନ୍ତୁ ଅଧିକାଂଶ ଲୋକେ ସକାଳ ୮ଟା ପରେ ଶଯ୍ୟା ତ୍ୟାଗ କରୁଥିବାର ଦେଖିବାକୁ ମିଳୁଛି। ହେଲେ ଏପରି କରିବା ଆଦୌ ଠିକ୍ ନୁହେଁ। ଭୋରବେଳା ଉଠି କିଛି ସମୟ ଛାତ ଉପରେ ଚାଲିବା ସହ ସୂର୍ଯ୍ୟୋଦୟକୁ ଦେଖିବାର ଅଭ୍ୟାସ କରିବା ଉଚିତ୍। ସ୍ମୃତିଶକ୍ତ ବଢାଇବାର ଏହା ଏକ ସର୍ବୋତ୍ତମ ଉପାୟ ଅଟେ।
ଭାରତୀୟଙ୍କର ଏକ ମୁଖ୍ୟ ପାନୀୟ ହେଉଛି ଚା’ ଓ କଫି। ଅଧିକାଂଶ ଲୋକ ଦିନକୁ ୪-୫ ଥର ଏହି ପାନୀୟ ପିଇଥାନ୍ତି। ବିଶେଷଜ୍ଞଙ୍କ ମତରେ କଫି କିମ୍ବା ଚା’ ପିଇବା ପରିବର୍ତ୍ତେ ବରଂ ଗ୍ରୀନ୍ ଟି ପିଇବାର ଅଭ୍ୟାସ କରିବା ଉଚିତ୍। ସ୍ବାସ୍ଥ୍ୟ ପାଇଁ ହିତକାରୀ ଗ୍ରୀନ୍-ଟି ଆମ ସ୍ମୃତିଶକ୍ତି ବଢାଇବାରେ ବି ସହାୟକ ବୋଲି ଗବେଷଣାରୁ ଜଣାପଡିଛି।
ଜଙ୍କଫୁଡ୍ଠାରୁ ଦୂରେଇବା ଆବଶ୍ୟକ। ଏସବୁ ଖାଦ୍ୟ ଓଜନ ବଢାଇବା ସହ ଆମ ସ୍ମୃତିଶକ୍ତିକୁ ମଧ୍ୟ ଦୂର୍ବଳ କରିଥାଏ। ନିୟମିତ ଭାବେ ଫଳ ଖାଇବାର ଅଭ୍ୟାସ କରନ୍ତୁ। ପ୍ରଚୁର ପରିମାଣର ପୋଷକତତ୍ତ୍ୱରେ ଭରପୂର ଫଳ ଖାଇଲେ ଶରୀରକୁ ଶକ୍ତି ମିଳିବା ସହ ସ୍ମୃତିଶକ୍ତି ବୃଦ୍ଧି ହୋଇଥାଏ ବୋଲି ବିଶ୍ୱାସ କରାଯାଏ।