ଆଙ୍କରା,୧୬।୯ : ତୁର୍କୀ ରାଷ୍ଟ୍ରପତି ତାଇପ ଏର୍ଦୋଗନ ଶନିବାର ୟୁରୋପୀୟ ୟୁନିଅନ(ଇୟୁ)ରୁ ଅଲଗା ହେବାକୁ ଚେତାବନୀ ଦେଇଛନ୍ତି। ସେ କହିଛନ୍ତି ଯଦି ଆବଶ୍ୟକ ହୁଏ ତେବେ ଆଙ୍କରା ୟୁରୋପୀୟ ୟୁନିଅନରୁ ଅଲଗା ହୋଇପାରେ।
ପ୍ରକୃତରେ, ତୁର୍କୀର ଲକ୍ଷ୍ୟ ହେଉଛି ୟୁରୋପୀୟ ୟୁନିଅନରେ ଯୋଗଦେବା, କିନ୍ତୁ ମାନବିକ ଅଧିକାରର ଉଲ୍ଲଂଘନ ଅଭିଯୋଗ ଯୋଗୁ ଏହା ସମ୍ଭବ ହେଉ ନାହିଁ। ତୁର୍କୀ ଆଉ ଅପେକ୍ଷା କରିବାର ମନୋଭାବରେ ନାହିଁ, କାରଣ ସେ ବର୍ଷ ବର୍ଷ ଧରି ଏନେଇ ଅପେକ୍ଷା କରି ରହିଛି।
ଆମେରିକା ଗସ୍ତ ପୂର୍ବରୁ ସେ ଏହି ପ୍ରସଙ୍ଗରେ ଗଣମାଧ୍ୟମ ସହ ଆଲୋଚନା କରିଥିଲେ।
ୟୁରୋପୀୟ ୟୁନିଅନ ତୁର୍କୀଠାରୁ ଅଲଗା ହେବାକୁ ଚେଷ୍ଟା କରୁଛି। ଏହା ଉପରେ ଆଧାର କରି ଆମେ ନିଜକୁ ମୂଲ୍ୟାଙ୍କନ କରିବୁ ଏବଂ ଆବଶ୍ୟକ ହେଲେ ଆମେ ୟୁରୋପୀୟ ୟୁନିଅନରୁ ଦାବି ପ୍ରତ୍ୟାହାର କରିପାରିବୁ।
ସୂଚନାଯୋଗ୍ୟ ତୁର୍କୀର ବୈଦେଶିକ ମନ୍ତ୍ରଣାଳୟ କିଛି ଦିନ ପୂର୍ବରୁ କହିଥିଲା ୟୁରୋପୀୟ ସଂସଦର ରିପୋର୍ଟରେ ଭିତ୍ତିହୀନ ଅଭିଯୋଗ ରହିଛି ଏବଂ ଏହି ରିପୋର୍ଟ ତୁର୍କୀର ୟୁଏଇ ସହ ସମ୍ପର୍କକୁ ଅଣଦେଖା କରାଯାଉଛି।
