ମୁମ୍ବାଇ,୨୪ ।୬: ମହାରାଷ୍ଟ୍ରରେ ଦେଖାଦେଇଥିବା ରାଜନୈତିକ ସଙ୍କଟ ମଧ୍ୟରେ ଏବେ ଶିବସେନା ମେଣ୍ଟ ସରକାର ଏକ ପ୍ରକାର ଭାଙ୍ଗିବାକୁ ଯାଉଛି କହଲେ ଚଳେ । ହେଲେ ଏହାରି ଭିତରେ ସାମନ୍ୟ ଆଶା ସଂଚାର କରିଛନ୍ତି ମହାରାଷ୍ଟ୍ରର ଉପ ମୁଖ୍ୟମନ୍ତ୍ରୀ ଅଜିତ ପାୱାର । ପାୱାର କହିଛନ୍ତି ଏକନାଥ ସିନ୍ଦେ କହୁଛନ୍ତି ଯେ ସେ ଶିବସେନା । ତେଣୁ ଶିବସେନା, ଏନସିପି ଓ କଂଗ୍ରେସ ମିଶି ଥିବାରୁ ଆମ ନିକଟରେ ବହୁମତ ରହିଛି । ଆମେ ଶାସନରେ ଅଛୁ ଓ ଆମ ନିକଟରେ ବହୁମତ ରହିଛି । ଆମେ ଶାସକ ଦଳ ଭାବେ ନିର୍ଣ୍ଣୟ ନେଉଛୁ । ସରକାରଙ୍କୁ ଏଭଳି ନିର୍ଣ୍ଣୟ ନେବାର ଅଧିକାର ରହିଛି ବୋଲି ପାୱାର କହିଛନ୍ତି । ମନ୍ତ୍ରୀ ଓ ଅଧିକାରୀ ମିଶି ନିର୍ଣ୍ଣୟ ନେଉଛନ୍ତି । ଶାସକ ଦଳର ନେତାମାନେ ଶୁକ୍ରବାର ସନ୍ଧ୍ୟାରେ ଅର୍ଥାତ୍ ୬ଟା ୩୦ ମିନିଟରେ ମାତୋଶ୍ରୀ(ଠାକରେ ନିବାସ)ରେ ମୁଖ୍ୟମନ୍ତ୍ରୀଙ୍କ ସହ ବୈଠକ କରିବେ । ଷ୍ଟାଣ୍ଡ କଲ ଭଳି ଆମେ ସରାରକଙ୍କୁ ସ୍ଥିର ରଖିବାକୁ ପ୍ରୟାସ କରିବୁ ବୋଲି ଅଜିତ ପାୱାର କହିଛନ୍ତି ।