ଜର୍ଜଟାଉନ୍,୨୨ା୪: ୪ର୍ଥ ଭାରତ-କ୍ୟାରିକମ୍ ବୈଠକରେ ବୈଦେଶିକ ବ୍ୟାପାର ମନ୍ତ୍ରୀ ଏସ୍ ଜୟଶଙ୍କର ଯୋଗ ଦେଇଥିଲେ। ସେ ମଧ୍ୟ ଏହି ସଭାର ସହ-ସଭାପତିତ୍ୱ କରିଥିଲେ। ଏହି ବୈଠକରେ ସେ ଜଳବାୟୁ ପରିବର୍ତ୍ତନ ମଧ୍ୟରେ ନବୀକରଣ ଯୋଗ୍ୟ ଶକ୍ତି କ୍ଷେତ୍ରରେ ସାମୁହିକ ଆଗ୍ରହର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ। ଭାଷଣ ଦେବାବେଳେ ସେ କହିଥିଲେ ଯେ,ଶକ୍ତି, ବିଶେଷତଃ ଅକ୍ଷୟ ଶକ୍ତି ଆମର ସାମୁହିକ ହିତ।
ଏହି ବୈଠକରେ ବୈଦେଶିକ ବ୍ୟାପାର ମନ୍ତ୍ରୀ ମଧ୍ୟ ବିଶ୍ୱ ପ୍ରସଙ୍ଗ ଉପରେ ଧ୍ୟାନ ଦେଇ କହିଥିଲେ, ଆମେ ବିଶ୍ୱସ୍ତରୀୟ ସମସ୍ୟା ଉପରେ ଧ୍ୟାନ ଦେବା ଉଚିତ। ଏଥିପାଇଁ ଏହା ମଧ୍ୟ ଦେଖାଯିବା ଉଚିତ ଯେ, ଆମେ କେମିତି ଏକାଠି ହୋଇ ସମାଧାନ କରିପାରିବା। ଜୟଶଙ୍କର କହିଛନ୍ତି, ଆମେ ଦକ୍ଷତା ବୃଦ୍ଧି, ବିକାଶ ନିଗମ, ସ୍ବାସ୍ଥ୍ୟ ଏବଂ ବିପର୍ଯ୍ୟୟ ପରିଚାଳନା ଉପରେ ଧ୍ୟାନ ଦେଉଛୁ। ଅନୁଦାନ ଆଧାରରେ ଆମେ କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗଗୁଡ଼ିକୁ ସାହାଯ୍ୟ କରିବାକୁ ପ୍ରସ୍ତୁତ।