ଇସଲାମାବାଦ,୨୩।୨ : ପାକିସ୍ତାନୀ ୟୁଟ୍ୟୁବର୍ ସାନା ଅମଜାଦ ଏକ ମଜାଦାର ଭିଡିଓ ଶେୟାର କରିଛନ୍ତି । ଏହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓ ଭାରତରେ ମଧ୍ୟ ଚର୍ଚ୍ଚାର ବିଷୟ ପାଲଟିଛି। ଏହି ଭିଡିଓରେ ଦେଖିବାକୁ ମିଳୁଛି ଯେ ଦେଶର ଅର୍ଥନୈତିକ ସଙ୍କଟ ପରେ ଜଣେ ପାକିସ୍ତାନୀ ଯୁବକ ନିଜ ପ୍ରଧାନମନ୍ତ୍ରୀ ଶାହାବାଜ ସରିଫଙ୍କ ବିରୋଧରେ ସ୍ଲୋଗାନ ଦେଉଛନ୍ତି। ଆହୁରି ଆଶ୍ଚର୍ଯ୍ୟଜନକ କଥା ହେଉଛି ଏହି ବ୍ୟକ୍ତି ଏହି ଭିଡିଓରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପ୍ରଶଂସା କରୁଛନ୍ତି। ଏପରିକି ୧୯୪୭ ବିଭାଜନକୁ ଅଭିଶାପ ବୋଲି କହିଛନ୍ତି।
ଯୁବକ ଜଣକ କହିଛନ୍ତି ମୁଁ ଚାହୁଁଛି ପ୍ରଧାନମନ୍ତ୍ରୀ ମୋଦି ପାକିସ୍ତାନ ଶାସନ କରନ୍ତୁ। ଆମର ଦରକାର ମୋଦି ସରକାର। ୟୁଟ୍ୟୁବର୍ ସାନା ଅମଜାଦଙ୍କ ଦ୍ୱାରା ପୋଷ୍ଟ କରାଯାଇଥିବା ଏକ ଭାଇରାଲ ଭିଡିଓରେ ପାକିସ୍ତାନୀ ଯୁବକ ଦେଶର ସାମ୍ପ୍ରତିକ ଘଟଣାକୁ ନେଇ ଶାହବାଜ ସରିଫ ସରକାରଙ୍କ ବିରୋଧରେ ସ୍ଲୋଗାନ ଦେଉଥିବାର ନଜର ଆସିଛନ୍ତି ଏବଂ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଥିଲେ ମଧ୍ୟ ସେମାନେ ଉଚିତ ମୂଲ୍ୟରେ ସାମଗ୍ରୀ କିଣି ପାରିବେ। ଭାଇରାଲ ଭିଡିଓରେ ସେ ଜଣେ ସ୍ଥାନୀୟ ବ୍ୟକ୍ତିଙ୍କୁ ପଚାରିବାରୁ ଶୁଣିବାକୁ ମିଳୁଛି ଯେ ପାକିସ୍ତାନ ସେ ଜିନ୍ଦା ଭାଗୋ ନା ଚାହେ ତୋ ଇଣ୍ଡିଆ ଚଲେ ଜାଓ ସ୍ଲୋଗାନ କାହିଁକି ଉଠୁଛି? ଏଥିପାଇଁ ବ୍ୟକ୍ତି ଉତ୍ତର ଦେଇଛନ୍ତି ଯେ ସେ ଚାହୁଁଛନ୍ତି ଯେ ତାଙ୍କ ସନ୍ତାନମାନେ ପାକିସ୍ତାନରେ ଜନ୍ମ ନ ହୁଅନ୍ତୁ। ଯଦି ସେ ଭାରତରେ ଜନ୍ମ ହୋଇଥାନ୍ତେ, ତେବେ ତାଙ୍କୁ ଏପରି ଅସୁବିଧାର ସମ୍ମୁଖୀନ ହେବାକୁ ପଡି ନ ଥାନ୍ତା।
