ମୁମ୍ବାଇ,୪।୪: ଚେନ୍ନାଇ ସୁପର କିଙ୍ଗ୍ସ (ସିଏସ୍କେ) ଆଇପିଏଲ ଇତିହାସରେ ପ୍ରଥମ ଥର ପାଇଁ ସିଜନ ଆରମ୍ଭରୁ ଲଗାତାର ୩ ପରାଜୟ ବରଣ କରିଛି। ତୃତୀୟ ମ୍ୟାଚ୍ରେ ପଞ୍ଜାବ ଠାରୁ ୫୪ ରନ୍ରେ ପରାସ୍ତ ହେବାରୁ ଚେନ୍ନାଇ ତା’ର ଟାଇଟଲ ଡିଫେଣ୍ଡ କରିବା ନେଇ ସନ୍ଦେହ ସୃଷ୍ଟି ହୋଇଛି।
ମ୍ୟାଚ୍ ପରେ ସିଏସ୍କେ ଅଧିନାୟକ ରବୀନ୍ଦ୍ର ଜାଡେଜା କହିଛନ୍ତି, ଆମେ ପାଓ୍ବାରପ୍ଲେରେ ଏକାଧିକ ଉଇକେଟ ହରାଇଥିଲୁ। ପ୍ରଥମ ବଲରୁ ମୁମେଟମ୍ ଆମ ସହ ନ ଥିଲା। ଆମକୁ ଫେରିବା ପାଇଁ ବାଟ ଖୋଜିବାକୁ ପଡ଼ିବ।
ଓପନର ରୁତୁରାଜ ଗାଏକ୍ୱାଡ୍ଙ୍କ ଫର୍ମ ନେଇ ଚିନ୍ତିତ ଥିବା ନେଇ ପ୍ରଶ୍ନ କରିବାରୁ ସେ କହିଥିଲେ, ନା ଆମେ ଚିନ୍ତିତ ନୁହେଁ। ଆମକୁ ଗାଏକ୍ୱାଡଙ୍କୁ ଆତ୍ମବିଶ୍ୱାସ ଦେବାକୁ ପଡ଼ିବ। କାରଣ ଆମକୁ ଜଣାଅଛି, ସେ ଜଣେ ଭଲ ଖେଳାଳି। ମୁଁ ନିଶ୍ଚିତ ଯେ, ସେ ଆଗକୁ ଭଲ ପ୍ରଦର୍ଶନ କରିବେ।