ନୂଆଦିଲ୍ଲୀ,୫।୫ : ମାର୍ଚ୍ଚ ଆରମ୍ଭରୁ ସରକାରଙ୍କ ନିକଟରେ କୋଭିଡ୍-୧୯ର ନୂଆ ଭ୍ୟାରିଆଣ୍ଟ୍ସ ସମ୍ପର୍କରେ ଚିନ୍ତା ବ୍ୟକ୍ତ କରିିଥିଲୁ। ଏହା ଦ୍ୱାରା ଦେଶରେ ଆକ୍ରାନ୍ତଙ୍କ ସହ ମୃତ୍ୟୁ ସଂଖ୍ୟା ଢ଼େର ବୃଦ୍ଧି ପାଇବ। ଏକ ସାକ୍ଷାତ୍କାରରେ ଏହା ସ୍ପଷ୍ଟ କରିଛନ୍ତି ପ୍ରମୁଖ ବୈଜ୍ଞାନିକ ତଥା ବିଶେଷଜ୍ଞ ଉପଦେଷ୍ଟା କମିଟି (ଆଇଏନ୍ଏସ୍ଏସିଓଜି)ର ସଦସ୍ୟ ଡ. ରାକେଶ ମିଶ୍ରା।
ସେଲୁଲାର ଓ ମଲିକୁଲାର୍ ବାୟୋଲୋଜି ନିର୍ଦ୍ଦେଶକ ଡ. ରାକେଶ କହିଛନ୍ତି, କୋଭିଡ୍ର ଦ୍ୱିତୀୟ ଲହରର ଭୟାବହତା ସମ୍ପର୍କରେ ଆମେ ଚିନ୍ତା ବ୍ୟକ୍ତ କରିଥିଲୁ। ଏହା ଏକପ୍ରକାର ଚେତାବନୀ ଥିଲା। ଏ ନେଇ ଜାତୀୟ ରୋଗ ନିୟନ୍ତ୍ରଣ କେନ୍ଦ୍ର ମୁଖ୍ୟ ଡ. ସୁଜିତ କୁମାର ସିଂଙ୍କୁ ଜଣାଇଥିଲୁ। ସ୍ବାସ୍ଥ୍ୟ ସଚିବଙ୍କ ନିକଟରେ ପହଞ୍ଚିଥିଲା ଏହି ସୂଚନା। ଏହାସତ୍ତ୍ୱେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିକଟରେ କରୋନାର ଦ୍ୱିତୀୟ ଲହରର ଆକଳନ ସର୍ମ୍ପକିତ ରିପୋର୍ଟ ପହଞ୍ଚି ନ ଥିବା ବିଶ୍ୱାସ ହେଉ ନାହିଁ।