କୋଲକାତା,୧୦।୫:ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ ପଶ୍ଚିମବଙ୍ଗ ମୁଖ୍ୟମନ୍ତ୍ରୀଙ୍କୁ ନୋଟିସ୍ ପଠାଇବା ପରେ ଟିଏମ୍ସିର ମହିଳା ଓ ସମାଜ କଲ୍ୟାଣ ମନ୍ତ୍ରୀ ଶଶି ପଞ୍ଜାଙ୍କ ବୟାନ ସାମ୍ନାକୁ ଆସିଛି। ସେ କହିଛନ୍ତି ଯେ, ତୃଣମୂଳ କଂଗ୍ରେସ ଆଇନଗତ ଭାବେ ଏହାର ଜବାବ ଦେବ।
ଇଣ୍ଡିଆ ଟୁଡେକୁ ଦେଇଥିବା ବୟାନରେ ମନ୍ତ୍ରୀ ଶଶି କହିଛନ୍ତି ଯେ, ବିବେକ ଅଗ୍ନିହୋତ୍ରୀଙ୍କୁ କୋର୍ଟକୁ ଯିବାର ସମସ୍ତ ଅଧିକାର ଅଛି, କାରଣ ସେ ଦେଶର ନାଗରିକ। କିନ୍ତୁ ମମତା ବାନାର୍ଜୀ ଜଣେ ମୁଖ୍ୟମନ୍ତ୍ରୀ। ସେ ଏକ ଫିଲ୍ମ ମାଧ୍ୟମରେ ସମ୍ପ୍ରଦାୟ ମଧ୍ୟରେ କୌଣସି ବିଭାଜନ ହେଉ ବୋଲି ଚାହୁଁ ନାହାନ୍ତି। ଯେଉଁମାନେ ରାଜନୈତିକ ଉଦ୍ଦେଶ୍ୟ ରଖି ପଶ୍ଚିମବଙ୍ଗରେ ଅଶାନ୍ତି ସୃଷ୍ଟି କରିବାକୁ ଚାହୁଁଛନ୍ତି, ସେମାନେ କୌଣସି ଫିଲ୍ମ ଦ୍ୱାରା ଲୋକଙ୍କୁ ଆକ୍ରୋଶମୂଳକ ଭାବେ ଟାର୍ଗେଟ କରନ୍ତୁ ନାହିଁ।