ବେଜିଂ,୧୨ା୬: ଆମେରିକାର ପ୍ରତିରକ୍ଷା ସଚିବ ଲାୟଡ ଅଷ୍ଟିନ୍ଙ୍କ ବିବୃତ୍ତିରେ ଚାଇନାର ବୈଦେଶିକ ମନ୍ତ୍ରୀ ଓ୍ବାଇ ଫେଙ୍ଗେ ପୁଣି ଥରେ କଡ଼ା ଜବାବ ଦେଇଛନ୍ତି। ଚାଇନାର ପ୍ରତିରକ୍ଷା ମନ୍ତ୍ରୀ ଓ୍ବାଇ ଫେଙ୍ଗେ ଏହାର ଆଭିମୁଖ୍ୟ ଉପରେ କହିଛନ୍ତି, ବେଜିଂ ଶେଷ ପର୍ଯ୍ୟନ୍ତ ଲଢ଼ିବ। ସେ ଏହା ମଧ୍ୟ କହିଛନ୍ତି, କ୍ଷେତ୍ରୀୟ ବା ଆଞ୍ଚଳିକ ଅଖଣ୍ଡତାକୁ ରକ୍ଷା କରିବା ପାଇଁ ଚାଇନାର ସଶସ୍ତ୍ର ବାହିନୀର ସଂକଳ୍ପ ଏବଂ ଏହି ସାମର୍ଥ୍ୟକୁ କେହି ଅବମାନନା ବା ହେୟ ମନେ କରିବା ଉଚିତ୍ ନୁହେଁ।
ଆମେରିକାର ପ୍ରତିରକ୍ଷା ସଚିବ ଅଷ୍ଟିନ୍ଙ୍କ ଦିନକ ପୂର୍ବରୁ ଦେଇଥିବା ଭାଷଣର ଉତ୍ତରରେ ଚାଇନା ନେତା ଏପରି ମନ୍ତବ୍ୟ ଦେଇଛନ୍ତି। ସେ କହିଛନ୍ତି, ବେଜିଂର ଆକ୍ରମଣାତ୍ମକ ତଥା ବିପଜ୍ଜନକ କାର୍ଯ୍ୟ ଏସିଆର ସ୍ଥିରତା ପାଇଁ ବିପଦ। ଏଥି ସହିତ ଚାଇନା ମନ୍ତ୍ରୀ ରବିବାର କହିଛନ୍ତି, ଯେଉଁମାନେ ଚାଇନା ବିଭାଜନ କରିବାକୁ ଚେଷ୍ଟା କରୁଛନ୍ତି ତାଇଓ୍ବାନର ସ୍ବାଧୀନତାକୁ ଦର୍ଶାଉଛନ୍ତି, ସେମାନଙ୍କର ଲକ୍ଷ୍ୟ ପୂରଣ ହେବ ନାହିଁ। ଫେଙ୍ଗେ ଆଜି କହିଛନ୍ତି ଯେ, ଆମେ ଯେ କୌଣସି ମୂଲରେ ଶେଷ ପର୍ଯ୍ୟନ୍ତ ଲଢ଼ିବୁ। ଏଥିରୁ ବିଚ୍ୟୁତ ହେବୁ ନାହିଁ।