ନୂଆଦିଲ୍ଲୀ,୧୮।୧୨: ଆମ ଆଦମୀ ପାର୍ଟି ଏକ ଜାତୀୟ ଦଳର ଟ୍ୟାଗ ପାଇବା ପରେ ରବିବାର ଦଳର ସୁପ୍ରିମୋ ଅରବିନ୍ଦ କେଜ୍ରିୱାଲ ଦିଲ୍ଲୀରେ ଏକ ଜାତୀୟ ସମ୍ମିଳନୀ ଡାକିଛନ୍ତି। ଏହି ସମ୍ମିଳନୀରେ ସେ ଦଳର କର୍ମୀଙ୍କୁ ସମ୍ବୋଧିତ କରି ଦଳର ଦୂରଦୃଷ୍ଟି ବିଷୟରେ କହିଥିଲେ। ସେ କହିଛନ୍ତି, ଭାରତ ଠିକ କରିବା ପାଇଁ ଭଗବାନ ଆମ ଆଦମୀ ପାର୍ଟିକୁ ବାଛିଛନ୍ତି। ଏଏପି ସରକାର ଗତ ୫ ରୁ ୭ ବର୍ଷ ମଧ୍ୟରେ ଦିଲ୍ଲୀର ୧୨.୩୦ ଲକ୍ଷ ଲୋକଙ୍କୁ ନିଯୁକ୍ତି ଦେଇଛନ୍ତି। ଅନ୍ୟପକ୍ଷରେ ପଞ୍ଜାବର ୨୧ ହଜାର ଲୋକଙ୍କୁ ସରକାରୀ ଚାକିରି ଦେଇଛନ୍ତି। ଆଗାମୀ ୫ ରୁ ୧୦ ବର୍ଷ ମଧ୍ୟରେ ଆମ ଦେଶ ଯେଉଁଠାରେ ରହିବା ଉଚିତ, ଆମେ ଏହା ବିଷୟରେ ଚିନ୍ତା କରୁଛୁ। ଆମ ଆଦମୀ ପାର୍ଟି ଏହି ଦେଶର ଦୂରଦୃଷ୍ଟି ପୂରଣ ପାଇଁ କାର୍ଯ୍ୟ କରିବ। ଆମେ ଏପରି ଏକ ଦେଶ ଚାହୁଁ, ଯେଉଁଠାରେ ସମସ୍ତ ଜାତି ଏବଂ ଧର୍ମର ଲୋକଙ୍କ ମଧ୍ୟରେ ପ୍ରେମ ଏବଂ ସ୍ନେହ ମନୋଭାବ ସୃଷ୍ଟି ହେଉ। ଯଦି ଲୋକମାନେ ଗୋଟିଏ ଦେଶରେ ଏକାଠି କାମ ନକରନ୍ତି ତେବେ ଦେଶ କଦାପି ଅଗ୍ରଗତି କରିପାରିବ ନାହିଁ।
ସେହିପରି ନିକଟରେ ଶେଷ ହୋଇଥିବା ଗୁଜରାଟ ନିର୍ବାଚନକୁ ନେଇ କେଜ୍ରିଓ୍ବାଲ ନିଜ ମତ ରଖିଛନ୍ତି। ଏଏପି ଗୁଜରାଟରେ ନିଜ ଗଡ ଆହୁରି ମଜଭୁତ କରିବାକୁ ଚେଷ୍ଟା କରିବ ଏବଂ ୨୦୨୭ରେ ଦଳ ରାଜ୍ୟରେ ସରକାର ଗଢିବ ବୋଲି ସେ ଦୃଢ ଦାବି କରିଛନ୍ତି।