ହାତ ପତେଇବୁ ନି, ଭିକ ମାଗିବୁ ନାହିଁ: ମୋଦି ସରକାରଙ୍କ ନୂଆ ଲକ୍ଷ୍ୟ, ୩୦ ସହର ପାଇଁ ମାଷ୍ଟରପ୍ଲାନ…

ନୂଆଦିଲ୍ଲୀ,୨୯।୧ : ହାତ ପତେଇବୁ ନାହିଁ, ଭିକ ମାଗିବୁ ନାହିଁ। ଏହି ସ୍ଲୋଗାନ ଦେଇ ଭାଜପା ନେତୃତ୍ୱାଧୀନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ନିଜର ନୂଆ ଲକ୍ଷ୍ୟ ସ୍ଥିର କରିଛନ୍ତି। ଏଥିପାଇଁ ୩୦ ଟି ସହରର ଏକ ତାଲିକା ମଧ୍ୟ ପ୍ରସ୍ତୁତ କରାଯାଇ ମାଷ୍ଟରପ୍ଲାନ କରାଯାଇଛି।

ଉତ୍ତରରେ ଅଯୋଧ୍ୟା ଠାରୁ ପୂର୍ବରେ ଗୁଆହାଟୀ ଏବଂ ପଶ୍ଚିମରେ ତ୍ରୈମ୍ବକେଶ୍ୱରରୁ ଦକ୍ଷିଣରେ ତିରୁଭାନନ୍ତପୁରମ ପର୍ଯ୍ୟନ୍ତ ସହର ଚୟନ କରି ସେସବୁକୁ ଭିକାରି ମୁକ୍ତ କରିବାକୁ ଘୋଷଣା କରାଯାଇଛି। କେନ୍ଦ୍ର ସରକାର ଲକ୍ଷ୍ୟ ରଖି ଭିକ ମାଗୁଥିବା ବୟସ୍କମାନଙ୍କୁ, ବିଶେଷକରି ମହିଳା ଏବଂ ଶିଶୁମାନଙ୍କର ସର୍ଭେ କରି ପୁନଃଥଇଥାନ ଏବଂ ଆର୍ଥିକ ବିକାଶ କରିବାକୁ ଲକ୍ଷ୍ୟ ରଖିଛନ୍ତି। ସେମାନଙ୍କୁ ନୂତନ ଜୀବନ ଶୈଳୀ ଦେବାକୁ ସରକାର ଯୋଜନା କରିଛନ୍ତି।

ସାମାଜିକ ନ୍ୟାୟ ଏବଂ ସଶକ୍ତିକରଣ ମନ୍ତ୍ରଣାଳୟ ଏହି ୩୦ ଟି ସହରରେ ହଟସ୍ପଟ ଚିହ୍ନଟ କରିବାକୁ ଲକ୍ଷ୍ୟ ରଖିଛି ଯେଉଁଠାରେ ଲୋକମାନେ ଭିକ ମାଗନ୍ତି। ୨୦୨୬ ସୁଦ୍ଧା ଏହି ୩୦ଟି ସହରକୁ ଭିକାରି ମୁକ୍ତ କରିବାରେ ଜିଲା ଏବଂ ପୌରପାଳିକା ନିଗମ କର୍ତ୍ତୃପକ୍ଷଙ୍କୁ ସହାୟତା କରିବାକୁ ପଡିବ। ଭିକାରିମାନଙ୍କ ପାଇଁ ଆରମ୍ଭ ହୋଇଥିବା ସ୍ମାଇଲ ସ୍କିମ ଅଧୀନରେ ଏହି ଲକ୍ଷ୍ୟ ଧାର୍ଯ୍ୟ କରାଯାଇଛି ।

ମନ୍ତ୍ରଣାଳୟ ଫେବୃଆରୀ ୨୦୨୪ ରେ ୩୦ ଟି ସହରରେ ସର୍ଭେ କରିବା ପାଇଁ ଏକ ଜାତୀୟ ପୋର୍ଟାଲ ଏବଂ ମୋବାଇଲ ଆପ ଲଞ୍ଚ କରିବ, ଯାହାଫଳରେ ଭିକ ମାଗୁଥିବା ଲୋକଙ୍କ ତଥ୍ୟ ପ୍ରସ୍ତୁତ ହୋଇପାରିବ। ଲକ୍ଷ୍ୟ ହାସଲ କରିବାକୁ ଯୋଜନା ୩୦ ଟି ସହର ମଧ୍ୟରୁ ୨୫ଟିରେ ମିଳିଛି ।

କଙ୍ଗରା, କଟକ, ଉଦୟପୁର ଏବଂ କୁସିନାଗର ସେମାନଙ୍କ ଯୋଜନା ଗ୍ରହଣ କରିନାହାନ୍ତି। ଏକ କୌତୁହଳର ବିଷୟ ହେଉଛି ଭୋପାଳର ସାଞ୍ଚି ସହରର ଅଧିକାରୀମାନେ ମନ୍ତ୍ରଣାଳୟକୁ କହିଛନ୍ତି ସେମାନଙ୍କ ଅଞ୍ଚଳରେ ଭିକ ମାଗୁଥିବା କେହି ନାହାନ୍ତି, ତେଣୁ ଅନ୍ୟ କୌଣସି ସହର ତାଲିକାଭୁକ୍ତ ହୋଇପାରିବ।

କୋଜିକୋଡେ, ବିଜୟୱାଡା, ମଦୁରାଇ ଏବଂ ମାଇସୋରରେ ଭିକାରିଙ୍କ ସର୍ଭେ ଶେଷ ହୋଇଛି। ମନ୍ତ୍ରଣାଳୟ କାର୍ଯ୍ୟ ଯୋଜନା ଉପରେ ଆଧାର କରି ପୌରସଂସ୍ଥା କର୍ତ୍ତୃପକ୍ଷଙ୍କୁ ଅର୍ଥ ପ୍ରଦାନ କରିବ। ଏହି ପାଣ୍ଠିରୁ ଭିକାରୀମାନେ ସର୍ବେକ୍ଷଣ, ତଥ୍ୟ ସଂଗ୍ରହ, ଆଶ୍ରୟସ୍ଥଳୀକୁ ସ୍ଥାନାନ୍ତର, ଶିକ୍ଷା, ଦକ୍ଷତା ବିକାଶ ଏବଂ ସେମାନଙ୍କୁ ରୋଜଗାରର ମାଧ୍ୟମ ଯୋଗାଇ ପୁନଃଥଇଥାନ କରାଯିବ।