କୋଲକତା,୧୧।୧୨: ସଂସଦରୁ ବହିଷ୍କୃତ ହେବା ପରେ ମହୁଆ ମୋଇତ୍ର ଜନତା ଦରବାରରେ ପହଞ୍ଚିଛନ୍ତି। ନିଜ ନିର୍ବାଚନମଣ୍ଡଳୀର ଲୋକଙ୍କୁ ସେ ଏକ ଭିଡିଓ ବାର୍ତ୍ତା ଦେଇଛନ୍ତି। ଏହି ଭିଡିଓ ବାର୍ତ୍ତାରେ ମହୁଆ ଜନସାଧାରଣ, ଟିଏମସି କର୍ମୀ ତଥା ଦଳର ନେତାମାନଙ୍କୁ ଏହି ସଂଗ୍ରାମରେ ତାଙ୍କୁ ସମର୍ଥନ କରିଥିବାରୁ କୃତଜ୍ଞତା ଜଣାଇଛନ୍ତି।
ଭିଡିଓ ମେସେଜ ସୋସିଆଲ ମିଡିଆରେ ପୋଷ୍ଟ କରାଯାଇଥିଲା। ଏହି ବାର୍ତ୍ତାରେ ମହୁଆ କହିଛନ୍ତି, ମୁଁ ତୁମର ଝିଅ … ଏହି ପୃଥିବୀର ଝିଅ। ତୁମେ ଯେତେ ଚାହିଁବ ମୁଁ ତୁମ ସହିତ ରହିବି। ଆମେ ଏହି ଲଢେଇରେ ଜିତିବୁ ଏବଂ ମୁଁ ମୈଦାନରୁ ଓହରିବି ନାହିଁ ଏବଂ ଆପଣଙ୍କ ସହିତ ରହିବି। ମୋର ସମର୍ଥନରେ ଦୁଇ ଦିନ ଧରି ବିରୋଧ କରିଥିବାରୁ ମୁଁ କୃଷ୍ଣନଗରର ସମସ୍ତ ବାସିନ୍ଦା, ଟିଏମସି କର୍ମଚାରୀ ଏବଂ ବ୍ଲକ ସଭାପତିଙ୍କ ନିକଟରେ କୃତଜ୍ଞ।
ସୂଚନାଯୋଗ୍ୟ, ଟଙ୍କା ନେଇ ସଂସଦରେ ପ୍ରଶ୍ନ ପଚାରିବା ଅଭିଯୋଗରେ ଟିଏମସି ନେତା ମହୁଆ ମୋଇତ୍ରଙ୍କୁ ଗତ ଶୁକ୍ରବାର ସଂସଦର ସଦସ୍ୟତାରୁ ବହିଷ୍କାର କରାଯାଇଥିଲା।