ସୁନା ରୁପା ବାଦ୍ ବର୍ତ୍ତମାନ ଅନେକ ଆର୍ଟିଫିସିଆଲ୍ ଜୁଏଲେରିକୁ କେବଳ ଝିଅମାନେ ନୁହନ୍ତି ମହିଳାମାନେ ବେଶ୍ ପସନ୍ଦ କରୁଛନ୍ତି। ହେଲେ ଏଗୁଡ଼ିକ ଶୀଘ୍ର ଖରାପନ ହେବା ଲାଗି କିପରି ଯତ୍ନ ନେବେ ଜାଣନ୍ତୁ ଟିପ୍ସ…
ଆର୍ଦ୍ର ଜଳବାୟୁଠାରୁ ଦୂରେଇ ରଖନ୍ତୁ: ଏଭଳି ଅଳଙ୍କାରକୁ ଆର୍ଦ୍ର ଜଳବାୟୁଠାରୁ ଦୂରେଇ ରଖନ୍ତୁ। ଜିପ୍ ଲକ୍ ପ୍ଲାଷ୍ଟିକ୍ ପାଉଚ୍ରେ ଏହାକୁ ରଖନ୍ତୁ। ଧ୍ୟାନ ରଖନ୍ତୁ ପାଉଚ୍ରେ କୌଣସି ଜାଗା ଯେମିତି ଖୋଲା ନ ରହେ। ଏହି ଜଳବାୟୁରେ ମେଟାଲ୍ର ରଙ୍ଗ ଉଡ଼ିଯାଇଥାଏ।
ନରମ କପଡ଼ାରେ ପୋଛନ୍ତୁ : ଅଳଙ୍କାରରେ କିଛି ଦାଗ ଲାଗିଗଲେ ଆପଣ ଟୁଥପେଷ୍ଟ ପାଉଡର ବ୍ୟବହାର କର ବ୍ରଶ୍ ସାହାଯ୍ୟରେ ଧୀରେ ଧୀରେ ଘଷନ୍ତୁ। ପରେ ସଫା ନରମ କପଡ଼ାରେ ପୋଛି ଦିଅନ୍ତୁ।
ପରଫ୍ୟୁମଠାରୁ ଦୂରେଇ ରଖନ୍ତୁ: ଆପଣ ଯେତେବେଳେ ଆର୍ଟିଫିସିଆଲ୍ ମେଟାଲିକ୍ ଅର୍ନାମେଣ୍ଟ ପିନ୍ଧୁଛନ୍ତି ଧ୍ୟାନ ରଖନ୍ତୁ ସେଥିରେ ଯେମିତି ପରଫ୍ୟୁମ ବିଲକୁଲ ବି ନ ଲାଗେ। ଏହା ପରଫ୍ୟୁମ ସଂସ୍ପର୍ଶରେ ଆସି ଖରାପ ହୋଇଯାଏ।
ଅଲଗା ରଖିବାକୁ ଚେଷ୍ଟା କରନ୍ତୁ: ଆପଣଙ୍କ ପାଖେ ଅଧିକ ଜୁଏଲେରି କଲେକ୍ସନ୍ସ ଥିଲେ ସେସବୁକୁ ଏକାଠି ନ ରଖି ଅଲଗା ଅଲଗା ରଖନ୍ତୁ। ନଚେତ୍ ପରସ୍ପର ସହ ଘଷି ହୋଇ ରଙ୍ଗ ଛାଡିବା ସହ ସେଥିରେ ବ୍ୟବହାର ହୋଇଥିବା ଷ୍ଟୋନ୍, ବିଡ୍ସ ଆଦି ମଧ୍ୟ ବାହାରିଯିବା କିମ୍ବା ଖରାପ ହୋଇଯିବାର ଆଶଙ୍କା ରହିଛି।