ବର୍ତ୍ତମାନ ଚକ୍ଷୁ ସମସ୍ୟା ହେଉ ଅବା ଫ୍ୟାଶନ୍ ଲାଗି ଅନେକଙ୍କୁ ଚଷମା ବ୍ୟବହାର କରୁଥିବା ଦେଖିବାକୁ ମିଳୁଛି। ହେଲେ ଆପଣ ଜାଣନ୍ତିକି, ଚଷମା ବ୍ୟବହାର କରୁଥିଲେ କେତୋଟି କଥା ପ୍ରତି ଧ୍ୟାନ ନ ଦେଲେ ଏହା ଅନ୍ୟାନ୍ୟ ସମସ୍ୟାର କାରଣ ସାଜିପାରେ…
ଫ୍ରେମ୍ ସବୁବେଳେ ହାଲୁକା ହେବା ଦରକାର। କାରଣ ଚଷମାର ଓଜନ ବେଶୀ ହେଲେ ନାକ ଏବଂ କାନ ଉପରେ ଚାପ ପଡ଼ିବା ସହ ଯନ୍ତ୍ରଣା ମଧ୍ୟ ହୋଇଥାଏ।
ସର୍ବଦା ଚଷମା କିଣିବା ବେଳେ ପିନ୍ଧି ଚେକ୍ କରିନିଅନ୍ତୁ। କାରଣ ଚଷମାର ଫିଟିଙ୍ଗ୍ ଠିକ୍ ରହିଲେ ଏହା ପିନ୍ଧିବାକୁ ଆରାମ ଦାୟକ ହୋଇ ପାରିବ।
ଚଷମା ପିନ୍ଧିବା ଏବଂ କାଢିବା ସମୟରେ ସର୍ବଦା ଦୁଇହାତ ବ୍ୟବହାର କରିବା ଆବଶ୍ୟକ। କାରଣ ଏଥିପାଇଁ ଗୋଟିଏ ହାତ ବ୍ୟବହାର କଲେ ଫ୍ରେମ୍ ବଙ୍କା ହୋଇଯିବାର ଆଶଙ୍କା ରହିଛି। ଯାହାଦ୍ୱାରା ନା କେବଳ ପିନ୍ଧିବା ବେଳେ ଅସୁବିଧା ହୁଏ ବରଂ ଗ୍ଲାସ୍ ଆଗପଛ ବା ବଙ୍କା ରହିବା ଯୋଗୁ ଆଖିରେ ମଧ୍ୟ ପ୍ରେସର ପଡ଼ିଥାଏ।
ଚଷମାରେ ଗ୍ଲାସ୍ ଲେନ୍ସ ବ୍ୟବହାର କରିବା ଦ୍ୱାରା ଓଜନ ଅଧିକ ହେବା ସହ ସ୍କ୍ରାଚ୍ ହେବାର ଚାନ୍ସ ମଧ୍ୟ ବେଶୀ। ସେହିପରି ପ୍ଳାଷ୍ଟିକ୍ ଲେନ୍ସ ହାଲୁକା ହୋଇଥିଲେ ହେଁ ଶୀଘ୍ର ସ୍କ୍ରାଚ୍ ହୋଇଥାଏ। ତେଣୁ ଏହା ବଦଳରେ ରେଜିନ୍ ଲେନ୍ସ କିମ୍ବା ଟ୍ରିପ୍ଲେକ୍ସ ଲେନ୍ସ ବ୍ୟବହାର କରନ୍ତୁ, ଯାହାକି ହାଲୁକା ଲାଗିବା ସହ ପଡ଼ିଗଲେ ସହଜରେ ଭାଙ୍ଗି ନ ଥାଏ।