ବିବାହ ଉତ୍ସବରେ ନାଚ, ଗୀତ, ଖୁସି ମଜା ସାଧାରଣ କଥା। ମାତ୍ର ଏମିତି ଏକ ବିବାହ ଉତ୍ସବର କାହାଣୀ ଭାଇରାଲ ହେଉଛି, ଜାଣିଲେ ଆଶ୍ଚର୍ଯ୍ୟ ହେବେ। ଯେଉଁ ବିବାହରେ ବରଯାତ୍ରୀଙ୍କୁ ଅଇଁଠା ବାସନ ଧୋଇବାକୁ ପଡ଼ିଛି। ଏହି ଘଟଣା ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି। ଯାହାକୁ ଜଣେ ବରଯାତ୍ରୀ ସୋସିଆଲ ମିଡିଆରେ ପୋଷ୍ଟ କରି କହିଛନ୍ତି, ଦେଖନ୍ତୁ ଶେଷରେ କ’ଣ ହେଲା। ସମସ୍ତ ବରଯାତ୍ରୀ ବାସନ ଧୋଇବା ନଜର ଆସିଛନ୍ତି।
ଜଣେ ୟୁଜର ଇଂଲଣ୍ଡରେ ହୋଇଥିବା ଏକ ବିବାହ କାହାଣୀ ପୋଷ୍ଟ କରିଛନ୍ତି। ଏଥିରେ ସେ କ୍ୟାପଶନ ଲେଖିଛନ୍ତି, ତାଙ୍କୁ ଏକ ଦାମୀ ଏବଂ ବିଳାସପୂର୍ଣ୍ଣ ବିବାହ ସମାରୋହରେ ନିମନ୍ତ୍ରଣ କରାଯାଇଥିଲା। ଯେଉଁଠିକୁ ଯାଇ ତାଙ୍କୁ କି ପ୍ରକାର ହଇରାଣ ହେବାକୁ ପଡ଼ିଥିଲା ସେ ବିଷୟରେ କହିଛନ୍ତି।
ୟୁଜର ଜଣକ ଲେଖିଛନ୍ତି, ଏହି ବିବାହ ସମାରୋହରେ ବହୁତ ପ୍ରକାର ଖାଦ୍ୟ ହୋଇଥିଲା। କିନ୍ତୁ କମ୍ ଥିଲା। କିଛି ଅତିଥି ଭୋକରେ ଥିଲେ। ଯେଉଁ ଅତିଥିମାନେ ଖାଇବା ଖାଇଥିଲେ, ତାଙ୍କୁ ବାସନ ମାଜିବାକୁ ପଡ଼ିଥିଲା। ବରକନ୍ୟାଙ୍କ ଇସାରାରେ ଜଣେ କର୍ମଚାରୀ ଏଠାକୁ ଆସି ବାସନ ମାଜିବାକୁ କହିଥିଲେ। କର୍ମଚାରୀ ଜଣକ ପହଞ୍ଚି କହିଥିଲେ, ଏକ ସର୍ପ୍ରାଇଜ ଅଛି। ମାତ୍ର ପହଞ୍ଚି ଦେଖିଲାବେଳକୁ ଅତିଥିଙ୍କୁ ବାସନ ମାଜିବାକୁ କହିଲେ। ପ୍ରଥମେ ବୁଝି ହେଲାନି ଇଏ କ’ଣ ହେଉଛି।
ୟୁଜର ଜଣକ କହିଛନ୍ତି, ବରକନ୍ୟା ବାସନ ଧୋଇବାକୁ କାହାକୁ ଡାକି ନ ଥିଲେ। ଏଥିପାଇଁ ସେ ଏପରି କଲେ ଖର୍ଚ୍ଚ ରହିଯାଉ। ବରକନ୍ୟା ନିଜ ବିବାହର ଅଧିକାଂଶ ଅର୍ଥ ବିବାହ ମଣ୍ଡପ ଏବଂ ଡ୍ରେସ୍ରେ ଖର୍ଚ୍ଚ କରିଛନ୍ତି। ଏଥିପାଇଁ ବରଯାତ୍ରୀଙ୍କୁ ବାସନ ମଜାରେ କାମରେ ଲଗାଇ ଦେଇଥିଲେ।
