ନୂଆଦିଲ୍ଲୀ,୧୮।୧୦ : ଆଗକୁ ବିବାହ ଋତୁ ଆରମ୍ଭ ହେବାକୁ ଯାଉଛି। ଏହି କାରଣରୁ ବଜାର ସରଗରମ ରହିଛି। ଅଳଙ୍କାରଠାରୁ ଆରମ୍ଭ କରି ଲୁଗାପଟା ଶୋରୁମରେ ଭିଡ଼ ଜମିବାରେ ଲାଗିଛି। ଦିୱାଲୀ ପରେ ଆରମ୍ଭ ହେବାକୁ ଥିବା ବିବାହ ଋତୁକୁ ନେଇ ବ୍ୟବସାୟୀମାନେ ବହୁତ ଆଶା ରଖିଛନ୍ତି। ଦେବଉଥାନ ଏକାଦାଶୀ ଠାରୁ ବିବାହ ଋତୁ ଆରମ୍ଭ ହେବାକୁ ଯାଉଛି। ୨୩ ନଭେମ୍ବରରୁ ୧୫ ଡିସେମ୍ବର ପର୍ଯ୍ୟନ୍ତ ଏହା ଚାଲିବ।
ଏକ ରିପୋର୍ଟ ଅନୁଯାୟୀ, ଏହି ସମୟ ମଧ୍ୟରେ ସାରା ଦେଶରେ ପ୍ରାୟ ୩୫ ଲକ୍ଷରୁ ଅଧିକ ବିବାହ ହେବ। ବିଶେଷ କଥା ହେଉଛି ବିବାହ ଋତୁକୁ ନେଇ ବଜାରରେ ଏକ ବଡ଼ ଉତ୍ସାହ ଆରମ୍ଭ ହୋଇଛି। ରିପୋର୍ଟ ଅନୁଯାୟୀ, ବିବାହ ଋତୁରେ ପ୍ରାୟସାଢ଼େ ୪ ଲକ୍ଷ କୋଟି ଟଙ୍କାର କାରବାର ହେବ।
ଏକ ମିଡିଆ ରିପୋର୍ଟ ଅନୁଯାୟୀ, ଚଳିତ ବର୍ଷ ବିବାହ ଋତୁରେ କେବଳ ଦିଲ୍ଲୀରେ ୩.୫ ଲକ୍ଷରୁ ଅଧିକ ବିବାହ ଅନୁଷ୍ଠିତ ହେବ। ଏହା ରାଜଧାନୀର ବ୍ୟବସାୟ ପାଇଁ ୧ ଲକ୍ଷ କୋଟି ଟଙ୍କାର ଲାଭ କରିବ। ରିପୋର୍ଟରେ କୁହାଯାଇଛି ଗତ ବିବାହ ଋତୁରେ ସାରା ଦେଶରେ ପ୍ରାୟ ୩୨ ଲକ୍ଷ ବିବାହ ହୋଇଥିଲା ଯେଉଁଥିରେ ୪ ଲକ୍ଷ କୋଟି ଟଙ୍କାର କାରବାର ହୋଇଥିଲା।
ବିବାହ ଋତୁରେ ଯେଉଁ ବ୍ୟବସାୟଗୁଡିକ ଅଧିକ ଲାଭବାନ ହେବେ ସେଗୁଡ଼ିକ ହେଉଛି .ଅଳଙ୍କାର, ଆସବାବପତ୍ର, ପୋଷାକ, ଜୋତା, କାର୍ଡ, ଶୁଖିଲା ଫଳ, ମିଠା, ଫଳ, ପୂଜା ସାମଗ୍ରୀ, ଖାଦ୍ୟ ସାମଗ୍ରୀ, ସାଜସଜ୍ଜା ସାମଗ୍ରୀ, ଇଲେକ୍ଟ୍ରୋନିକ ସାମଗ୍ରୀ, ଫଟୋଗ୍ରାଫି, ବ୍ୟାଣ୍ଡ-ବାଜା, ଡିଜେ, ଆଲୋକ, ଭୋଜି ହଲ, ହୋଟେଲ, ଖୋଲା ଲନ, କମ୍ୟୁନିଟି ସେଣ୍ଟର, ପବ୍ଲିକ ପାର୍କ, ଫାର୍ମ ହାଉସ ଇତ୍ୟାଦି ।