୬୦ ଟନ୍‌ ବିଶିଷ୍ଟ ଓଜନମାପ ଯନ୍ତ୍ରକୁ ଖଣ୍ତ ଖଣ୍ତ କାଟି ଦେଲେ ଦୁର୍ବୃତ୍ତ
10:22 pmNovember 2, 2023November 2, 2023 / 03

କେନ୍ଦୁଝର,୨।୧୧(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ସଦର ବ୍ଲକ ଅଧୀନ ନୂଆଗାଁ ପଞ୍ଚାୟତ ଗୋହାଲଡିହି ରେଲୱେ ସାଇଡିଂରେ ଥିବା ୬୦ ଟନ୍‌ ବିଶିଷ୍ଟ ଓଜନମାପ ଯନ୍ତ୍ରକୁ ଗ୍ୟାସ୍‌ କଟରରେ କାଟି ଦୁର୍ବୃତ୍ତମାନେ ଚୋରି ଉଦ୍ୟମ କରିଛନ୍ତି। ସେମାନେ ଓଜନ ମାପ ଯନ୍ତ୍ରକୁ ଚାରିଆଡ଼େ ଖଣ୍ତ ଖଣ୍ତ କାଟି ଦେଇଛନ୍ତି। ଗୁରୁବାର ସକାଳେ ମାଲିକ ଦିଲୀପ କୁମାର ବେହେରା ଏହି ସମ୍ପର୍କରେ ଜାଣିବା ପାଇ ସଦର ଥାନାରେ ଲିଖିତ ଅଭିଯୋଗ କରିଛନ୍ତି। ଘଟଣାରେ ସ୍ଥାନୀୟ କେତେକ ଲୋକଙ୍କ ସହ ସ୍କ୍ରାପ ଚୋର ସମ୍ପୃକ୍ତ ଥିବା ସନ୍ଦେହ କରାଯାଉଛି। ପୋଲିସ ଘଟଣାର ତଦନ୍ତ ଚଳାଇଛି। ପୋଲିସ ଅଦ୍ୟାବଧି ଚୋରଙ୍କ ଟେର ପାଇନାହିଁ ।