ନୂଆଦିଲ୍ଲୀ,୭।୫: ବର୍ତ୍ତମାନ ସମୟରେ ମୋଟାପଣ ଏକ ବଡ଼ ସମସ୍ୟା ଭାବେ ସମାଜରେ ଉଭା ହୋଇଛି। ଉଲ୍ଲେଖଯୋଗ୍ୟ, ମୋଟା ହେବା ସହଜ କିନ୍ତୁ ତାହାକୁ କମାଇବା ଅତ୍ୟନ୍ତ କଠିନ ବ୍ୟାପାର। ଏପରିକି ମୋଟାପଣରୁ ମୁକ୍ତି ପାଇଁ ଆଚାର୍ଯ୍ୟ ବାଲକ୍ରିଷ୍ଣାଙ୍କ ନେତୃତ୍ୱରେ ପତଞ୍ଜଳି ଅନୁସନ୍ଧାନ ସଂସ୍ଥାନର ବୈଜ୍ଞାନିକମାନେ କଠିନ ପରିଶ୍ରମକରି ଏକ ମୂଲ୍ୟବାନ୍ ଆୟୁର୍ବେଦ ଔଷଧ ‘ଦିବ୍ୟ ୱେଟ୍-ଗୋ’ ନାମକ ଔଷଧ ପ୍ରସ୍ତୁତ କରିଛନ୍ତି। ଏହି ଔଷଧ ସମ୍ପୂର୍ଣ୍ଣ ଭାବେ ବୈଜ୍ଞାନିକ ମାନଦଣ୍ଡ ଅନୁଯାୟୀ ପ୍ରସ୍ତୁତି ହୋଇଥିବା ବେଳେ ନାନା ପରୀକ୍ଷା ନିରୀକ୍ଷା ମଧ୍ୟ କରାଯାଇଛି। ସେହିଭଳି ପତଞ୍ଜଳିର ଏହି ଗବେଷଣାଭିତ୍ତିକ ଔଷଧ ବିଶେଷକରି ମେଦବହୁଳତା ସମସ୍ୟାର ସାମ୍ନା କରୁଥିବା ଲୋକଙ୍କ ପାଇଁ ବରଦାନ ସଦୃଶ ବୋଲି ପତଞ୍ଜଳି ଅନୁସନ୍ଧାନ ସଂସ୍ଥାନ ପକ୍ଷରୁ କୁହାଯାଇଛି।
ଏ ସମ୍ପର୍କରେ ପତଞ୍ଜଳି ଅନୁସନ୍ଧାନ ସଂସ୍ଥାନର ପ୍ରମୁଖ ଆଚାର୍ଯ୍ୟ ବାଲକ୍ରିଷ୍ଣା କହିଛନ୍ତି, ପ୍ରତିଦିନ ବ୍ୟାୟାମ ସହିତ ‘ଦିବ୍ୟ ୱେଟ୍-ଗୋ’କୁ ସେବନକଲେ ବ୍ୟକ୍ତିଙ୍କର ମୋଟାପଣ ଅତିଶୀଘ୍ର କମିଥାଏ। ଶରୀର ଉପରେ ଏହାର କୌଣସି ପାର୍ଶ୍ୱ ପ୍ରତିକ୍ରିୟା ମଧ୍ୟ ପଡ଼ି ନ ଥାଏ। ସେହିଭଳି ଜଣେ ବ୍ୟକ୍ତି ବିନା ବ୍ୟାୟାମରେ ମଧ୍ୟ ‘ଦିବ୍ୟ ୱେଟ୍-ଗୋ’ ନେଇପାରିବେ। ସେଥିରେ ମଧ୍ୟ କୌଣସି ପାର୍ଶ୍ୱ ପ୍ରତିକ୍ରିୟା ନାହିଁ। ଉକ୍ତ ଔଷଧର ସେବନ ଠିକ୍ ଭାବେ କଲେ ବ୍ୟକ୍ତିର ଓଜନ କମିଥାଏ। ଅପରପକ୍ଷରେ ଉକ୍ତ ଔଷଧ ସେବନ ଫଳରେ ଓଜନ କମ୍ ହେବା ସହ କୋଲେଷ୍ଟରଲ, ଗ୍ଲୂକୋଜ, ସେନ୍ସିଟିଭିଟି ମଧ୍ୟ କମ୍ ହୋଇ ଇନ୍ସୁଲିନ୍ ରେଜିଷ୍ଟାନ୍ସ ବି ଠିକ୍ ହୋଇଯାଇଥାଏ। ଏହି ଅନୁସନ୍ଧାନ ଆମେରିକାର ବିଶ୍ୱ ପ୍ରସିଦ୍ଧ ରିସର୍ଚ୍ଚ ଜର୍ନାଲ ‘ବାୟୋମେଡିସିନ୍ ଆଣ୍ଡ ଫାର୍ମାକୋଥେରାପି’ରେ ମଧ୍ୟ ପ୍ରକାଶିତ ହୋଇଥିବା ବାଲକ୍ରିଷ୍ଣା ମତପ୍ରକାଶ କରିଛନ୍ତି।