କଟକ ଅଫିସ,୧୪।୯: ଓଡ଼ିଶାରେ ବାଣିଜ୍ୟ କାରବାର ବୃଦ୍ଧି ଲାଗି ଓ୍ବେଲ୍ସ୍ପନ ପକ୍ଷରୁ କଟକରେ ନୂଆ ବିତରକ ନିଯୁକ୍ତ କରାଯାଇଛି। ‘ଗାୟତ୍ରୀ’ ନାମକ ସଂସ୍ଥା ସହ କମ୍ପାନୀ ଏଥିଲାଗି ଯୋଡ଼ିହୋଇଛି। ୧୯୭୯ରୁ ‘ଗାୟତ୍ରୀ’ ବମ୍ବେ ଡାଇଙ୍ଗ୍ର ସ୍ବତନ୍ତ୍ର ଷ୍ଟୋର ଭାବେ ସେବା ଯୋଗାଉଛି। ବର୍ତ୍ତମାନ ଏହି ଷ୍ଟୋର ଦ୍ୱାରା ସାରା ରାଜ୍ୟରେ ଓ୍ବେଲ୍ସ୍ପନ ନିଜର ପ୍ରଡକ୍ଟ ଯୋଗାଣ ଲାଗି ଲକ୍ଷ୍ୟ ରଖିଛି। କମ୍ପାନୀ ବେଡ୍ସିଟ୍, ଟାଓ୍ବେଲ ଭଳି ଅନ୍ୟ ପ୍ରଡକ୍ଟ ଯୋଗାଣ କରୁଛି। ବେଡ୍ସିଟ୍ ୭୯୯ ଟଙ୍କାରୁ ଆରମ୍ଭ ହେଉଥିବା ବେଳେ ୫,୯୯୯ ଟଙ୍କା ପର୍ଯ୍ୟନ୍ତ ରହିଛି। ୨୪୯ ଆରମ୍ଭ ମୂଲ୍ୟରୁ ଟାଓ୍ବେଲ ଉପଲବ୍ଧ ହେଉଛି। ସବୁ ବର୍ଗର ଗ୍ରାହକଙ୍କୁ ସୁହାଇଲା ଭଳି ପ୍ରଡକ୍ଟ ପ୍ରସ୍ତୁତ କରୁଥିବା କମ୍ପାନୀ ମତ ପ୍ରକାଶ କରିଛି। କାର୍ଯ୍ୟକ୍ରମରେ କମ୍ପାନୀର ଆସିଷ୍ଟାଣ୍ଟ ସେଲ୍ସ ମ୍ୟାନେଜର ବିଶ୍ୱମ୍ବର ରାଉତ, କୀର୍ତ୍ତି ରଞ୍ଜନ ସାହୁ, ଗାୟତ୍ରୀ ଷ୍ଟୋର ପକ୍ଷରୁ ଶରତ କୁମାର ସାହୁ ପ୍ରମୁଖ ଉପସ୍ଥିତ ଥିଲେ।