ବୋରିଗୁମ୍ମା,୨ା୧(ବିଜୟ ସାହୁ)- ବୋରିଗୁମ୍ମା ବ୍ଲକ୍ ଅନ୍ତର୍ଗତ ବିସିଂପୁର ଥାନା ଅଧୀନ ନକୁଳଗୁଡ଼ା ଗ୍ରାମରେ ନୂତନ ବର୍ଷରେ ପିକ୍ନିକ୍ ପାଇଁ ଯାଇଥିବା ଜଣେ ଯୁବକଙ୍କୁ ତାଙ୍କ ସାଙ୍ଗମାନେ ହତ୍ୟା କରିଥିବା ଅଭିଯୋଗ ହୋଇଛି। ସେ ହେଲେ ଜଗନ୍ନାଥ ମାଝୀ(୩୦)। ଏ ନେଇ ୪ ଜଣଙ୍କୁ ଥାନାରେ ଅଟକ ରଖାଯାଇଥିବା ଜଣାପଡ଼ିଛି।
ସୂଚନାଯୋଗ୍ୟ, ଜଗନ୍ନାଥ ଓ ତାଙ୍କ ସାଙ୍ଗମାନେ ନୂତନବର୍ଷ ଉପଲକ୍ଷେ ଘର ପଛପଟେ ଭୋଜି କରୁଥିଲେ। ଗୁରୁବାର ରକ୍ତ ଜୁଡୁବୁଡୁ ଅବସ୍ଥାରେ ପରିବା ବଗିଚାରେ ଜଗନ୍ନାଥଙ୍କ ମୃତଦେହ ପଡିଥିବା ଦେଖିବାକୁ ମିଳିଛି। ପରିବାର ଲୋକେ ବିସିଂପୁର ଥାନାରେ ଲିଖିତ ଅଭିଯୋଗ କରିଥିବା ବେଳେ ୦୧/୨୫ରେ ହତ୍ୟା ମାମଲା ରୁଜୁହୋଇଛି। କୋରାପୁଟରୁ ସାଇଣ୍ଟିଫିକ ଟିମ୍ ନକୁଳଗୁଡ଼ାରେ ପହଞ୍ଚି ଛାନ୍ଭିନ୍ କରିଥିଲା। ପିକ୍ନିକ୍ରେ ସାମିଲ ହୋଇଥିବା ଜଗନ୍ନାଥଙ୍କ ୪ ସାଙ୍ଗଙ୍କୁ ହତ୍ୟା କରିଥିବା ସନ୍ଦେହରେ ବିସିଂପୁର ଥାନାରେ ଅଟକ ରଖି ପଚରାଉଚରା କରାଯାଉଛି ବୋଲି ଏସ୍ଡିପିଓ ତପସ୍ବିନୀ କହଁର ସୂଚନା ଦେଇଛନ୍ତି। ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ପୋଲିସ ହସ୍ତାନ୍ତର କରିଥିଲା।
