ପ୍ରେମ କେତେବେଳେ, କେଉଁଠି ଏବଂ କାହା ସହ ହୋଇଯାଏ ଜାଣିହୁଏନା। ଅନେକ ପ୍ରେମକାହାଣୀ ଏପରି ଅଛି ଯାହାର ଚର୍ଚ୍ଚା ଆଜି ବି ହୋଇଥାଏ। ସେହିଭଳି କିଛି ପ୍ରେମକାହାଣୀ ଆଶ୍ଚର୍ଯ୍ୟ କରେ। ଏପରି ଏକ ପ୍ରେମକାହାଣୀ ଏବେ ଚର୍ଚ୍ଚାର ବିଷୟ ପାଲଟିଛି। କାରଣ ପବ୍ଜି ଖେଳୁ ଖେଳୁ ଏହି ପ୍ରେମକାହାଣୀଟି ଗଢ଼ି ଉଠିଛି।
ଆଜିକାଲି ସମୟରେ ଯୁବପିଢ଼ୀମାନେ ଅଧିକ ସମୟ ସୋସିଆଲ ମିଡିଆରେ ବିତାଉଛନ୍ତି। ଏଣୁ ଅନେକ ପ୍ରେମକାହାଣୀ ଏଠାରେ ହିଁ ଗଢ଼ିଉଠୁଛି। ପଶ୍ଚିମବଙ୍ଗର ଧୁପଗୁରୀ ନିବାସୀ ସୈନୁର ଆଲାମ ପବ୍ଜି ଖେଳିବାକୁ ବହୁତ ପସନ୍ଦ କରନ୍ତି। ଏହାକୁ ଖେଳିବା ବେଳେ କର୍ନାଟକର ଫ୍ରିଜା ନାମକ ଯୁବତୀଙ୍କ ସହ ପରିଚିତ ହୋଇଥିଲେ। ପରେ ସେମାନେ ଏକାଠି ଖେଳ ଖେଳିବା ଆରମ୍ଭ କରିଥିଲେ। ହେଲେ କେତେବେଳେ ସେମାନେ ପ୍ରେମରେ ପଡ଼ି ଯାଇଥିଲେ ଜାଣି ପାରି ନ ଥିଲେ। ସମ୍ପର୍କକୁ ଆଗକୁ ବଢ଼ାଇବା ଲାଗି ଦୁହେଁ ବନ୍ଧୁ ହୋଇଥିଲେ। ଧୀରେ ଧୀରେ ଫୋନ୍ ନଂ ଉଭୟ ଉଭୟଙ୍କୁ ଦେଇଥିଲେ। ଏହିପରି ଭାବେ କଥା ଆଗକୁ ବଢ଼ିଥିଲା।
ଦିନେ ବଡ଼ ପଦକ୍ଷେପ ନେଇ ଫ୍ରିଜା ବାଙ୍ଗାଲୋରରୁ ବିମାନ ଯୋଗ ସୈନୁରଙ୍କ ଗାଁ ଧୁପଗୁରୀରେ ପହଞ୍ଚିଥିଲେ। ସୈନୁର ପ୍ରେମିକାଙ୍କୁ ଘର ଆଗରେ ଦେଖି ଚମକି ପଡ଼ିଥିଲେ। ପରେ ଦୁହେଁ ନିଜ ପରିବାରକୁ ସମସ୍ତ କଥା କହିଥିଲେ। ଏବେ ଧୁମ୍ଧାମ୍ରେ ସେମାନେ ବିବାହ କରିଛନ୍ତି। ବର୍ତ୍ତମାନ ଏହି ପ୍ରେମକାହାଣୀ ଚର୍ଚ୍ଚାର ବିଷୟ ପାଲଟିଛି।