ନୂଆଦିଲ୍ଲୀ,୧୮।୮: ପଶ୍ଚିମବଙ୍ଗର କୋଲକାତାରେ ଜଣେ ଟ୍ରେନି ମହିଳା ଡାକ୍ତରଙ୍କୁ ବଳାତ୍କାର ଓ ହତ୍ୟା ମାମଲାକୁ ନେଇ ଭାଜପା ରାଜ୍ୟର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ କଡା ସମାଲୋଚନା କରିଛନ୍ତି। ସେପଟେ ବଙ୍ଗଳାର ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି କେନ୍ଦ୍ର ମନ୍ତ୍ରୀ ତଥା ବେଗୁସରାଇ ଏମପି ଗିରିରାଜ ସିଂ ମୁଖ୍ୟମନ୍ତ୍ରୀ ମମତାଙ୍କ ଇସ୍ତଫା ଦାବି କରିଛନ୍ତି।
ଭାଜପାର ଫାୟାରବ୍ରାଣ୍ଡ ନେତା ଭାବେ ଜଣାଶୁଣା ଗିରିରାଜ ସିଂ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବିଷୟରେ କହିଛନ୍ତି, ଏହା ଅତ୍ୟନ୍ତ ଅଦ୍ଭୁତ ଏବଂ ମୁଁ ଆଶ୍ଚର୍ଯ୍ୟ। ବେଙ୍ଗଲରେ ଆଇନ ଶୃଙ୍ଖଳା ଖରାପ, ମୁଖ୍ୟମନ୍ତ୍ରୀ (ମମତା ବାନାର୍ଜୀ) ସ୍ବାସ୍ଥ୍ୟମନ୍ତ୍ରୀ, ଆଇନ ବ୍ୟବସ୍ଥା ଏହା ତାଙ୍କ ହାତରେ ଅଛି ଏବଂ ସେ କ୍ଷମତାରେ ଅଛନ୍ତି ଯଦି ସେ ଏହାକୁ ସମ୍ଭାଳି ପାରିବେ ନାହିଁ ତେବେ ସେ ଇସ୍ତଫା ଦେବା ଉଚିତ। ଯଦି ତାଙ୍କୁ କ୍ଷମତାରୁ ହଟାଯାଏ ନାହିଁ, ତେବେ ବଙ୍ଗଳା ଅନ୍ୟ ଏକ ବାଂଲାଦେଶରେ ପରିଣତ ହେବ ବୋଲି ଗିରିରାଜ କହିଛନ୍ତି।