ଡୋମିନିକା,୨୨।୭: ଭାରତ ଏବଂ ୱେଷ୍ଟଇଣ୍ଡିଜ ମଧ୍ୟରେ ଚାଲିଥିବା ୨ ମ୍ୟାଚ ଟେଷ୍ଟ ସିରିଜର ଦ୍ୱିତୀୟ ମ୍ୟାଚ ପୋର୍ଟ ଅଫ ସ୍ପେନ୍ରେ ଖେଳାଯାଉଛ। ଏହି ଟେଷ୍ଟର ଦ୍ୱିତୀୟ ଦିନର ଖେଳରେ ବିରାଟ କୋହଲିଙ୍କୁ ବ୍ୟାଟ ସହିତ ଅନେକ ନୂଆ ରେକର୍ଡ କରାଯାଉଥିବା ଦେଖିବାକୁ ମିଳିଛି। ଅନ୍ତର୍ଜାତୀୟ କ୍ୟାରିୟରର ୫୦୦ ତମ ମ୍ୟାଚ ଖେଳୁଥିବା କୋହଲି ତାଙ୍କର ୨୯ତମ ଟେଷ୍ଟ ଶତାବ୍ଦୀ ସହିତ ଏହି ମୁହୂର୍ତ୍ତକୁ ଆହୁରି ବଡ କରିଦେଇଛନ୍ତି। ଏଥି ସହିତ ଦିନର ଖେଳ ଶେଷ ହେବା ପରେ ବିରାଟ ୱିଣ୍ଡିଜ ଉଇକେଟ୍ କିପର ଜୋଶୁଆ ଡି ସିଲଭାଙ୍କ ମା’ଙ୍କୁ ଭେଟି ଦେଇଥିବା ପ୍ରତିଶ୍ରୁତି ପୂରଣ କରିଛନ୍ତି।
ୱେଷ୍ଟଇଣ୍ଡିଜ ଉଇକେଟ୍ କିପର ଜୋଶୁଆ ଡି ସିଲଭାଙ୍କ ମା’ ଦ୍ୱିତୀୟ ଦିନର ଖେଳ ଦେଖିବା ପାଇଁ କୁଇନ୍ସ ପାର୍କ ଓଭାଲ ଗ୍ରାଉଣ୍ଡରେ ପହଞ୍ଚିଥିଲେ। ସେ ବିରାଟ କୋହଲିଙ୍କର ଜଣେ ବଡ଼ ପ୍ରଶଂସକ ଏବଂ କୋହଲି ମଧ୍ୟ ତାଙ୍କୁ ଭେଟିବା ପରେ ତାଙ୍କ ସ୍ବପ୍ନକୁ ପୂରଣ କରିଥିଲେ। ବିରାଟଙ୍କୁ ଭେଟିବା ପରେ ଜୋଶୁଆଙ୍କ ମା’ ଭାବବିହ୍ବଳ ହୋଇଯାଇଥିଲେ। ସେ କୋହଲିଙ୍କୁ ଜଣେ ମହାନ ଖେଳାଳି ବୋଲି ମଧ୍ୟ ବର୍ଣ୍ଣନା କରିଛନ୍ତି।
ବିରାଟଙ୍କୁ ଭେଟିବା ପରେ ଜୋଶୁଆଙ୍କ ମା’ କହିଛନ୍ତି ଯେ, ସେ ଏବଂ ତାଙ୍କ ପୁଅ କୋହଲିଙ୍କ ବଡ଼ ପ୍ରଶଂସକ। ଏହି ମୁହୂର୍ତ୍ତ ସେମାନଙ୍କ ପାଇଁ ବହୁତ ବଡ଼। ଏହା ଆମ ପାଇଁ ଏକ ବଡ କଥା ଯେ ବିରାଟ ଆମ ଦେଶରେ ଖେଳୁଛନ୍ତି।