ନୂଆଦିଲ୍ଲୀ,୨୫।୭:ଟେଷ୍ଟ ସିରିଜ ପରେ ବର୍ତ୍ତମାନ ଭାରତ ଏବଂ ୱେଷ୍ଟଇଣ୍ଡିଜ ମଧ୍ୟରେ ତିନି ମ୍ୟାଚ ବିଶିଷ୍ଟ ଦିନିକିଆ ସିରିଜ ଖେଳାଯିବ। ଏହି ସିରିଜ୍ ପାଇଁ ଓ୍ବେଷ୍ଟଇଣ୍ଡିଜ୍ ୧୫ ଜଣିଆ ଦଳ ଘୋଷଣା କରିଛି। ଭାରତୀୟ କ୍ରିକେଟ ବୋର୍ଡ ଦିନିକିଆ ସିରିଜ ପାଇଁ ନିଜ ଦଳ ଘୋଷଣା କରିସାରିଛି।
ଭାରତ ବିପକ୍ଷ ଦିନିକିଆ ସିରିଜ ପାଇଁ କିଛି ଖେଳାଳି ୱେଷ୍ଟଇଣ୍ଡିଜ ଦଳକୁ ଫେରିଥିବାବେଳେ କିଛି ବରିଷ୍ଠ ଖେଳାଳିଙ୍କୁ ଦଳରୁ ବାଦ୍ ଦିଆଯାଇଛି। ନିକୋଲାସ ପୁରନ ଏବଂ ଜେସନ ହୋଲ୍ଡରଙ୍କ ଭଳି ଖେଳାଳି ଦଳରେ ସ୍ଥାନ ପାଇ ନାହାଁନ୍ତି। ଆଇପିଏଲ ୨୦୨୩ରେ ଭଲ ପ୍ରଦର୍ଶନ କରିଥିବା ଶିମ୍ରନ ହେଟମିୟର ଦଳକୁ ଫେରିଛନ୍ତି।
ଉଇକେଟ କିପର ଶାଇ ହୋପ ଭାରତ ବିପକ୍ଷ ଦିନିକିଆ ସିରିଜରେ ୱେଷ୍ଟଇଣ୍ଡିଜ ଦଳର ଅଧିନାୟକ ହେବେ। ଏଥି ସହିତ ରୋଭମନ ପାଓ୍ବେଲଙ୍କୁ ଉପ-ଅଧିନାୟକ ଭାବରେ ନିଯୁକ୍ତ କରାଯାଇଛି। ଭାରତ ଏବଂ ଓ୍ବେଷ୍ଟଇଣ୍ଡିଜ୍ ମଧ୍ୟରେ ଦିନିକିଆ ସିରିଜ୍ ୨୭ ଜୁଲାଇରୁ ଆରମ୍ଭ ହେବ।
ଦିନିକଆ ସିରିଜ ପାଇଁ ୱେଷ୍ଟଇଣ୍ଡିଜ ଦଳ – ଶାଇ ହୋପ (ଅଧିନାୟକ), ରୋଭମନ ପାଓ୍ବେଲ (ଉପ-ଅଧିନାୟକ), ଆଲିକ ଆଥାନାଜେ, ୟାନିକ କାରିଆ, କେସି କାର୍ଟି, ଡୋମିନିକ ଡ୍ରେକ୍ସ, ଶିମ୍ରନ ହେଟମିୟର, ଅଲଜାରୀ ଜୋସେଫ, ବ୍ରାଣ୍ଡାନ କିଙ୍ଗ, କାଇଲ ମାୟର୍ସ, ଗୁଡାକେଶ ମୋତି, ଜାଡେନ ସିଲ୍ସ, ଓସେନେ ଥୋମାସ, ରୋମାରିଓ ଶେଫର୍ଡ ଏବଂ କେଭିନ ସିଙ୍କକ୍ଲେଙ୍ୟାର୍।
