ଇସଲାମାବାଦ, ୮ା୪: ଦିନକୁ ଦିନ ବଳାତ୍କାର ମାମଲା ବୃଦ୍ଧି ପାଇଁ ଅଶ୍ଳୀଳତା, ପାଶ୍ଚାତ୍ୟ ସଂସ୍କୃତି ଦାୟୀ ବୋଲି କହି ବିବାଦରେ ଫସିଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ। ଫୋନ୍ ଇନ୍ କାର୍ଯ୍ୟକ୍ରମରେ ଦେଶବାସୀଙ୍କ ସହ କଥାବାର୍ତ୍ତାବେଳେ ବଳାତ୍କାର ବଢ଼ିବା ପଛର କାରଣ ସମ୍ପର୍କରେ ପଚରାଯାଇଥିବା ପ୍ରଶ୍ନର ଉତ୍ତର ରଖି ଇମ୍ରାନ କହିଥିଲେ, ପାଶ୍ଚାତ୍ୟ ସଂସ୍କୃତିକୁ ଆପଣାଇବା ଯୋଗୁ ବଳାତ୍କାର ମାମଲା ବଢ଼ୁଛି। କ୍ରିକେଟ ଖେଳୁଥିବା ସମୟରେ ବ୍ରିଟେନ ଗସ୍ତବେଳେ ସେଠାରେ ଏଭଳି ସଂସ୍କୃତିର ବହୁଳ ବ୍ୟବହାର ହେଉଥିବା ଦେଖିବାକୁ ପାଇଥିଲେ। ଏଥିଯୋଗୁ ସେଠାରେ ମହିଳା ନିର୍ଯାତନା, ଛାଡ଼ପତ୍ର ଭଳି ମାମଲା ବୃଦ୍ଧି ପାଉଛି ବୋଲି ଇମ୍ରାନ କହିଛନ୍ତି। ଦିଲ୍ଲୀରେ ମଧ୍ୟ ଏହି କାରଣରୁ ବଳାତ୍କାର ବଢ଼ିଚାଲିଥିବା ସେ କହିଛନ୍ତିି। ଏପରି ମନ୍ତବ୍ୟ ଦେଇ ପାକ୍ ପ୍ରଧାନମନ୍ତ୍ରୀ ପରୋକ୍ଷରେ ପୀଡ଼ିତାଙ୍କୁ ବଳାତ୍କାର ପାଇଁ ସେ ଦାୟୀ କରୁଥିବା ଅଭିଯୋଗ ହୋଇଛି।
