କେନ୍ଦୁଝର,୭।୧୨ (ନରେଶ ଚନ୍ଦ୍ର ପଟ୍ଟନାୟକ): ପଶ୍ଚିମାଞ୍ଚଳ ଡିଆଇଜି ୩ ଦିନିଆ କେନ୍ଦୁଝର ଗସ୍ତରେ ଆସି ଜିଲାର ଆଇନ ଶୃଙ୍ଖଳା ପରିସ୍ଥିତି ସମୀକ୍ଷା କରିଛନ୍ତି। ଜିଲାର ବିଭିନ୍ନ ଥାନାକୁ ଯାଇ ଡିଆଇଜି ବ୍ରିଜେଶ କୁମାର ରୟ ଏବଂ ଜିଲା ଆରକ୍ଷୀ ଅଧୀକ୍ଷକ ନିତିନ କୁଶଲକର ସମୀକ୍ଷା କରିବା ସହିତ ସରକାରଙ୍କ ନିର୍ଦ୍ଦେଶ ଅନୁଯାୟୀ ପୋଲିସ ସମିତି ଗଠନ କରିବା ପାଇଁ ବିଭିନ୍ନ ଗ୍ରାମ ଏବଂ ପଞ୍ଚାୟତକୁ ଯାଇ ଟ୍ରାଫିକ ନିୟମ ଏବଂ ସାଇବର କ୍ରାଇମ ଉପରେ ସଚେତନତା ମୂଳକ ପଦକ୍ଷେପ ନେବାପାଇଁ ପରାମର୍ଶ ଦେଇଛନ୍ତି। ଆଗକୁ ମୁଖ୍ୟମନ୍ତ୍ରୀଙ୍କ କେନ୍ଦୁଝର ଗସ୍ତ ଦୃଷ୍ଟିରୁ ସୁରକ୍ଷାକୁ କିଭଳି କଡାକଡି କରାଯିବ ସେନେଇ ଡିଆଇଜି ଗୁରୁତ୍ୱ ଦେଇଛନ୍ତି। ସେହିପରି କେନ୍ଦୁଝରରେ ପ୍ରସ୍ତାବିତ ଟ୍ରାଫିକ ପୋଲିସ ଷ୍ଟେଶନ ଖୁବଶୀଘ୍ର କାର୍ଯ୍ୟକାରୀ ହେବ ବୋଲି ମାନବ ସମ୍ବଳ ଯୋଗାଡ କରାଯାଇଛି ବୋଲି ସେ କହିଛନ୍ତି। ସେହିପରି ପ୍ରତ୍ୟେକ ଥାନା ଅଞ୍ଚଳରେ ଲୋକଙ୍କୁ ସାଇବର କ୍ରାଇମ, ଗୁଣି ଗାରେଡ଼ି, ଠକେଇ ଆଦି ଉପରେ ଲୋକଙ୍କୁ ସଚେତନ କରିବାକୁ କୁହାଯାଇଛି। ଥାନା ଅଧିକାରୀମାନେ ଏହି କାମ କରିବେ।