ରଙ୍ଗର ପର୍ବ ହୋଲିକୁ ଆହୁରି ଆନନ୍ଦମୟ କରିବା ପାଇଁ ଯଦି ନିମ୍ନରେ ଦିଆଯାଇଥିବା କିଛି ଟିପ୍ସକୁ ପାଳନ କରାଯାଏ; ତା’ହେଲେ ଅନେକ ଶୁଭଫଳ ମିଳିଥାଏ ବୋଲି ବାସ୍ତୁଶାସ୍ତ୍ରରେ ଉଲ୍ଲେଖ ରହିଛି। ଯଥା:
* ହୋଲି ଖେଳିବା ପୂର୍ବରୁ ଘରେ ଯଦି ପ୍ରଭୂ ଗଣେଶଙ୍କର ଉପାସନା କରାଯାଏ, ତା’ହେଲେ ଘରେ ଯଦି କିଛି ବାସ୍ତୁଦୋଷ ଥାଏ ତାହା ଦୂର ହୋଇଯାଏ ବୋଲି ବିଶ୍ୱାସ ରହିଛି।
* ଏହି ଶୁଭ ଦିନରେ ଯଦି ଶୟନ କକ୍ଷରେ ରାଧାକୃଷ୍ଣଙ୍କର ଫଟୋ ଲଗାଇ ତାଙ୍କୁ ଫଗୁ ଓ ଫୁଲ ଅର୍ପଣ କରାଯାଏ, ତା’ହେଲେ ପତ୍ନୀପତିଙ୍କ ମଧ୍ୟରେ ସମ୍ପର୍କ ନିବିଡ଼ ହେବା ସହ ସୁଖସମୃଦ୍ଧି ବୃଦ୍ଧି ପାଇଥାଏ ବୋଲି ବାସ୍ତୁଶାସ୍ତ୍ରରେ କୁହାଯାଇଛି।
* ହୋଲି ଦିନ ମୁଖ୍ୟଦ୍ୱାରର ଉପରି ଭାଗରେ ସୂର୍ଯ୍ୟଦେବଙ୍କର ପ୍ରତୀମା ହେଉ ଅବା ଫଟୋ ଲଗାଇଲେ ଘରେ ସକାରାତ୍ମକ ଊର୍ଜ୍ଜା ବଢିବା ସହ ପରିବାର ସଦସ୍ୟଙ୍କର ମଙ୍ଗଳ ହୋଇଥାଏ।
* ଅନ୍ୟପକ୍ଷେ ଏହିଦିନ ଘରେ ନୂଆ ତୁଳସୀ ଗଛ ହେଉ ଅବା ମନି ପ୍ଲାଣ୍ଟ ଲଗାଇବା ବି ଶୁଭ ହୋଇଥାଏ। ଧାର୍ମିକ ମାନ୍ୟତା ଅନୁସାରେ, ଗଛ ଘରକୁ ସୌଭାଗ୍ୟ ଆଣିଥାଏ।
* ଅନେକେ ଘରର ଶୀର୍ଷ ଭାଗରେ ଧ୍ୱଜା ଲଗାଇଥାନ୍ତି। କୁହାଯାଏ, ଏହାଦ୍ୱାରା ପରିବାରର ମାନସମ୍ମାନ ଓ ସୁଖସମୃଦ୍ଧି ବଢିବା ସହ ସଦସ୍ୟଙ୍କ ମଧ୍ୟରେ ସମ୍ପର୍କ ନିବିଡ଼ ହୋଇଥାଏ। ଯଦି ଧ୍ୱଜା ପୁରୁଣା ହୋଇଯାଇଥାଏ, ତା’ହେଲେ ହୋଲି ଦିନ ଏହାକୁ ବଦଳାଇ ନୂଆ ଧ୍ୱଜା ଲଗାଇବା ଅତ୍ୟନ୍ତ ଶୁଭ ବୋଲି କୁହାଯାଏ।