ଜ୍ୟୋତିଷଶାସ୍ତ୍ର ଅନୁଯାୟୀ କୌଣସି ବ୍ୟକ୍ତିର ସ୍ବଭାବ ବିଷୟରେ ତାର ଜନ୍ମତିଥି ଆଧାରରେ ଜାଣିହେବ। କୌଣସି ଏକ ମାସରେ ଜନ୍ମିତ ଲୋକଙ୍କ ସ୍ବଭାବ ବିଷୟରେ ଜାଣିବା ପାଇଁ ଗ୍ରହ-ନକ୍ଷତ୍ରମାନଙ୍କ ସଠିକ ଗଣନା ଜରୁରୀ। ସେପ୍ଟେମ୍ବର ମାସ ଆରମ୍ଭ ହୋଇଛି। ଏହି ମାସରେ ଜନ୍ମିତ ଲୋକମାନଙ୍କ ସ୍ବଭାବରେ ଅନେକ ସ୍ବତନ୍ତ୍ରତା ରହିଛି। ଆସନ୍ତୁ ଜାଣିବା ସେପ୍ଟେମ୍ବରରେ ଜନ୍ମିତ ଲୋକଙ୍କ ସ୍ବଭାବ କିଭଳି:
ମନ ନିର୍ମଳ: ସେପ୍ଟେମ୍ବରରେ ଜନ୍ମିତ ଲୋକମାନଙ୍କ ହୃଦୟ ନଡ଼ିଆ ପରି ହୋଇଥାଏ। ହୃଦୟରୁ ଏମାନେ ବହୁତ ଭଲ ହୋଇଥାଆନ୍ତି, ହେଲେ ବାହାରୁ ଶକ୍ତ ଦେଖାଯାଇଥାନ୍ତି। ଏମାନଙ୍କ ମନ ବହୁତ ନିର୍ମଳ।
ସଫଳ: ସେପ୍ଟେମ୍ବରରେ ଜନ୍ମିତ ବ୍ୟକ୍ତି ଜୀବନରେ ବେଶ ସଫଳ ହୁଅନ୍ତି। ଏମାନଙ୍କୁ ଏଥିଲାଗି ବହୁତ ସଂଘର୍ଷ କରିବାକୁ ପଡ଼ିଥାଏ। ଥରେ ଏମାନେ କିଛି କରିବାକୁ ଜିଦ୍ ଧରିଲେ ତାକୁ ପୂରଣ ନ କରି ରହି ନଥାନ୍ତି।
ସୃଜନଶୀଳ: ଏହି ମାସରେ ଜନ୍ମିତ ବ୍ୟକ୍ତି ବହୁତ ସୃଜନଶୀଳ। ତାଙ୍କର ସୃଜନଶୀଳ ଶୈଳୀ ଆଧାରରେ ସେ ଭିଡ ଭିତରେ ବି ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଥାନ୍ତି। ଅଧ୍ୟୟନ କ୍ଷେତ୍ରରେ ବି ଏମାନେ ବହୁତ ଧ୍ରୁତ ହୋଇଥାନ୍ତି।
ଭରସାଯୋଗ୍ୟ: ସେପ୍ଟେମ୍ବରରେ ଜନ୍ମିତ ବ୍ୟକ୍ତି ଅତ୍ୟନ୍ତ ସଚ୍ଚୋଟ। ସେମାନେ ପ୍ରତାରଣାକୁ ସହ୍ୟ କରିପାରନ୍ତି ନାହିଁ କିମ୍ବା କେବେ ବି ନିଜ ସାଥୀକୁ ପ୍ରତାରଣା କରନ୍ତି ନାହିଁ। ପାର୍ଟନରଙ୍କ ସହ ମିଶି ସବୁ ସମସ୍ୟାର ସମାଧାନ କରିବାରେ ସେମାନେ ବିଶ୍ୱାସ କରନ୍ତି।
ଟେକ୍ନୋଲୋଜି ପ୍ରିୟ: ଏହି ମାସରେ ଜନ୍ମିତ ଲୋକେ ଟେକ୍ନୋଲୋଜି ପ୍ରତି ବିଶେଷ ଆଗ୍ରହ ଦେଖାଇଥାନ୍ତି। ନୂଆ ଟେକ୍ନୋଲୋଜୀ ଶିଖିବାକୁ ସେମାନେ ସର୍ବଦା ଆଗ୍ରହୀ ଥାନ୍ତି।
