ଭାରତର ସବୁଠାରୁ ଧନୀ ତଥା ବିଶ୍ୱର ଶ୍ରେଷ୍ଠ ୧୦ ଧନୀ ତାଲିକାରେ ରହିଥିବା ମୁକେଶ ଅମ୍ବାନୀଙ୍କ ଝିଅ ହେଉଛନ୍ତି ଈଶା ଅମ୍ବାନୀ। ଈଶାଙ୍କ ବିବାହ ୧୨ ଡିସେମ୍ବର ୨୦୧୮ରେ ପିରାମଲ ଗ୍ରୁପ୍ର ଆନନ୍ଦ ପିରାମିଲଙ୍କ ସହ ହୋଇଥିଲା। ସମଗ୍ର ବିଶ୍ୱର ବହୁ ବଡ଼ ବଡ଼ ବ୍ୟକ୍ତି ଏହି ବିବାହରେ ସାମିଲ ହୋଇଥିଲେ। ବଲିଉଡ୍ ସହ ହଲିଉଡ୍ କଳାକାର ମଧ୍ୟ ଏହି ବିବାହ ଉତ୍ସବରେ ଯୋଗ ଦେଇଥିଲେ। ବିବାହର ଅଳ୍ପ କିଛି ମାସ ପରେ ଈଶା ସ୍ବାମୀ ଆନନ୍ଦଙ୍କ ବିଷୟରେ କିଛି ରାଜ୍ ଖୋଲିଛନ୍ତି।
ଏକ ସାକ୍ଷାତକାରେ ଇଶା ବିବାହ ପରେ ତାଙ୍କ ଜୀବନ କିପରି ଚାଲିଛି ସେ ନେଇ କହିଥିଲେ। ଏହି ଅବସରରେ ସେ ସ୍ବାମୀ ଆନନ୍ଦଙ୍କ ବିଷୟରେ ମଧ୍ୟ କିଛି କହିଥିଲେ। ଈଶା କହିଥିଲେ, ତାଙ୍କର ଏବଂ ସ୍ବାମୀ ଆନନ୍ଦଙ୍କ ସ୍ବଭାବ ଭିନ୍ନ ପ୍ରକାରର। ଆନନ୍ଦ ନିଜର ଅଧିକାଂଶ ସମୟ କାମ କରିବାରେ ବିତାଇଥାନ୍ତି। କୌଣସି କାର୍ଯ୍ୟକ୍ରମରେ ଯୋଗ ଦେବାକୁ ସେ ପସନ୍ଦ କରନ୍ତି ନାହିଁ। କିନ୍ତୁ ଇଶା କାମ ସହ ସମାରୋହରେ ଯୋଗ ଦେବାକୁ ପସନ୍ଦ କରିଥାନ୍ତି। କିନ୍ତୁ ଉଭୟ ଖାଇବା ପ୍ରେମୀ ବୋଲି ଇଶା କହିଥିଲେ। ସମୟ ମିଳିଲେ ସେମାନେ ବାହାରକୁ ଖାଇବା ପାଇଁ ଯାଇଥାନ୍ତି। ଇଶା ତାଙ୍କ ବିବାହ ଦିନକୁ ଖୁବ୍ ଉପଭୋଗ କରିଥିଲେ ବୋଲି କହଥିଲେ। ସେ ତାଙ୍କ ବନ୍ଧୁଙ୍କ ସହ ନୃତ୍ୟ ମଧ୍ୟ କରିଥିଲେ। ଆନନ୍ଦ ନୃତ୍ୟ କରିବାକୁ ପସନ୍ଦ କରନ୍ତି ନାହିଁ, କିନ୍ତୁ ମୋ ଖୁସି ପାଇଁ ସେ ନୃତ୍ୟ କରିଥିଲେ ବୋଲି ଈଶା କହିଥିଲେ। ଉଭୟ ପରିବାରର ଖୁବ୍ ନିକଟତର ତେଣୁ ସେମାନେ ଅଧିକାଂଶ ସମୟ ପରିବାର ସହ ବିତାଉବାକୁ ଭଲ ପାଆନ୍ତି। ଆନନ୍ଦଙ୍କ ବ୍ୟବହାର ଇଶାଙ୍କ ସହ ଜଣେ ବନ୍ଧୁ ପରି ବୋଲି ସେ କହିଥିଲେ। ଆନନ୍ଦଙ୍କର କୌଣସି ପ୍ରକାରର ଖରାପ ଅଭ୍ୟାସ ନାହିଁ। ତାଙ୍କ ସହ ବିବାହ ହୋଇଥିବାରୁ ମା’ ନୀତା ଅମ୍ବାନୀ ବହୁତ ଖୁସି ବୋଲି ଇଶା କୁହନ୍ତି।
