ମୁମ୍ବାଇ,୨୭।୩: ଆଇପିଏଲ୍ ୨୦୨୨ର ପ୍ରଥମ ମ୍ୟାଚ୍ରେ ଚେନ୍ନାଇ ସୁପର କିଙ୍ଗ୍ସକୁ ପରାସ୍ତ କରିଛି କୋଲକତା ନାଇଟ୍ ରାଇଡର୍ସ। କୋଲକାତା ଦଳ ୧୮.୩ ଓଭରରେ ୪ ଉଇକେଟ ହରାଇ ୧୩୨ରନ୍ର ବିଜୟ ଲକ୍ଷ୍ୟକୁ ହାସଲ କରିନେଇଥିଲା। ମ୍ୟାଚ୍ରେ ଆକର୍ଷଣ କେନ୍ଦ୍ରବିନ୍ଦୁ ଥିଲେ ଚେନ୍ନାଇର ପୂର୍ବ ଅଧିନାୟକ ମହେନ୍ଦ୍ର ସିଂହ ଧୋନୀ। ସେ ୩୮ ବଲ୍ରେ ୫୦ରନ୍ କରିଥିଲେ। ତେବେ ପ୍ରଥମ ବିଜୟକୁ ନେଇ ବେଶ ଉତ୍ସାହିତ ଥିବା କୋଲକାତା ଅଧିନାୟକ ଶ୍ରେୟସ ଆୟାର ଧୋନୀଙ୍କୁ ନେଇ ସ୍ବତନ୍ତ୍ର ବୟାନ ଦେଇଛନ୍ତି।
ଧୋନୀ ଯେବେ ବ୍ୟାଟିଂ କରନ୍ତି ସେତେବେଳେ ବିରୋଧୀ ଟିମ୍ ଚାପରେ ରହିଥାନ୍ତି। କାରଣ ସେମାନଙ୍କୁ ଭୟ ଥାଏ। କାକର ପଡ଼ୁଥିବା ଯୋଗୁ ଶେଷ ତିନି ଓଭର ମ୍ୟାଚ୍ ଚେନ୍ନାଇ ସପକ୍ଷରେ ରହିବ ବୋଲି ବୁଝି ନେଇଥିଲି। ଧୋନୀ ମଇଦାନରେ ଥିବା ଯୋଗୁ ଚାପରେ ଥିଲି। ହେଲେ ଦଳ ପାଇଁ ପ୍ରଥମ ଦିନ ଭଲ ଥିଲା। ଟିମ୍ର ସିଇଓ, କୋଚିଂ ଷ୍ଟାଫ୍ ଏବଂ ମ୍ୟାନେଜମେଣ୍ଟ ସହଯୋଗ କରୁଛନ୍ତି। ଏହି ବିଜୟର ଧାରାକୁ ଦଳ ବଜାୟ ରଖିବାକୁ ଚେଷ୍ଟା କରିବ ବୋଲି ସେ କହିଛନ୍ତି।