ନୂଆଦିଲ୍ଲୀ,୧୬।୧: ଦକ୍ଷିଣ ଆଫ୍ରିକାଠାରୁ ୨-୧ ବ୍ୟବଧାନରେ ଟେଷ୍ଟ ସିରିଜ୍ ହାରିବାର ଦିନକ ପରେ ବିରାଟ କୋହଲି ଭାରିତୀୟ ଟେଷ୍ଟ ଦଳର ଅଧିନାୟକ ପଦରୁ ଇସ୍ତଫା ଦେଇଛନ୍ତି। ଏହା ଉପରେ ପ୍ରଥମ ଥର ପାଇଁ ମୁହଁ ଖୋଲିଛନ୍ତି ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ସଭାପତି ସୌରଭ ଗାଙ୍ଗୁଲି।
“କୋହଲିଙ୍କ ନେତୃତ୍ୱରେ ଭାରତୀୟ କ୍ରିକେଟ ପ୍ରତ୍ୟେକ ଫର୍ମାଟରେ ଦ୍ରୁତଗତିରେ ଆଗେଇଛି। ଏହା ସମ୍ପୂର୍ଣ୍ଣ ରୂପେ ତାଙ୍କର ବ୍ୟକ୍ତିଗତ ନିଷ୍ପତ୍ତି। ବୋର୍ଡ ତାଙ୍କ ନିଷ୍ପତ୍ତିକୁ ସମ୍ମାନ ଦେଉଛି। ଭବିଷ୍ୟତରେ ଟିମ୍ ଇଣ୍ଡିଆକୁ ନୂଆ ସଫଳତାରେ ପହଞ୍ଚାଇବା ପାଇଁ ସେ ଗୁରୁତ୍ୱପୂର୍ଣ୍ଣ ସଦସ୍ୟ ହେବେ। ଜଣେ ମହାନ ଖେଳାଳି। ଓ୍ବେଲ ଡନ” ବୋଲି ପୂର୍ବତନ ଅଧିନାୟକ ଟୁଇଟ୍ କରିଛନ୍ତି।
ଉଲ୍ଲେଖଯୋଗ୍ୟ, ୩୩ ବର୍ଷୀୟ କୋହଲିଙ୍କ ନେତୃତ୍ୱରେ ଭାରତ ୫୮ ଟେଷ୍ଟ ଖେଳି ୪୦ ମ୍ୟାଚ୍ରେ ବିଜୟ ହାସଲ କରିଥିଲା।
