ବାସ୍ତୁଶାସ୍ତ୍ର ଅନୁଯାୟୀ,ଏମିତି ବି କିଛି ଜିନିଷ ରହିଛି; ଯାହାକୁ ଉଧାର ସ୍ବରୂପ କାହାଠାରୁ ମାଗି ଆଣି ବ୍ୟବହାର କରିବା ଅଶୁଭ ହୋଇଥାଏ। ଯେମିତିକି:
* ଦହି: ଘରେ ଦହି ବସାଇବା ପାଇଁ ବେଳେବେଳେ ମହିଳାମାନେ ପଡୋଶୀଙ୍କଠାରୁ ଟିକେ ଦହି ମାଗି ଆଣିଥାନ୍ତି। କିନ୍ତୁ ଏପରି କରିବା ଠିକ୍ ନୁହେଁ। କାହାଠାରୁ ଦହି ମାଗିଆଣି ବ୍ୟବହାର କଲେ ସୁଖଶାନ୍ତିରେ ବାଧା ଉପୁଜିଥାଏ ବୋଲି ବିଶ୍ୱାସ ରହିଛି।
* ଲୁଣ: ସୂର୍ଯ୍ୟାସ୍ତ ପରେ କାହାକୁ ଲୁଣ ଦେବା କିମ୍ବା କାହାଠାରୁ ଲୁଣ ଉଧାର ଆଣିବା ଆଦୌ ଶୁଭଙ୍କର ନୁହେଁ। ଏହାଦ୍ୱାରା ସୁଖସମୃଦ୍ଧି ନଷ୍ଟ ହେବା ସହ କରଜ ବଢିଥାଏ ବୋଲି ବାସ୍ତୁଶାସ୍ତ୍ରରେ କୁହାଯାଇଛି।
* ଘଣ୍ଟା: କେବେ ବି କାହାଠାରୁ ଘଣ୍ଟା ମାଗିଆଣି ବ୍ୟବହାର କରିବେ ନାହିଁ। ଏହା ଉନ୍ନତି ପଥରେ ବାଧା ଉପୁଜାଇଥାଏ। ପୋଷାକ: ଅନ୍ୟ କାହାର ପୋଷାକ ମାଗିଆଣି ପିନ୍ଧିବା ବି ଠିକ୍ ନୁହେଁ। କାରଣ ଏହି ପୋଷାକ ମାଧ୍ୟମରେ ଉକ୍ତ ବ୍ୟକ୍ତିଙ୍କର ଯଦି ଶାରୀରିକ କିମ୍ବା ମାନସିକ ସମସ୍ୟା ଥାଏ, ତାହା ଆପଣଙ୍କ ନିକଟକୁ ବି ଆସିବାର ସମ୍ଭାବନା ରହିଥାଏ।
*ଜୋତା: ଅନ୍ୟର ଜୋତା/ ଚପଲକୁ ବ୍ୟବହର କରିବା ବି ଦାରିଦ୍ର୍ୟତାକୁ ଡାକି ଆଣିଥାଏ।
* ରୁମାଲ: ନିଜ ରୁମାଲ କାହାକୁ ଦେବା କିମ୍ବା ଅନ୍ୟଠୁ ମାଗିଆଣି ବ୍ୟବହାର କଲେ ସମ୍ପର୍କରେ ତିକ୍ତତା ଆସେ ବୋଲି କୁହାଯାଏ।
* ଛୁଞ୍ଚି: ଛୁଞ୍ଚି ବି କାହାଠାରୁ ଉଧାରରେ ଆଣିବେ ନାହିଁ। ଏହା ଆର୍ଥିକ ସମସ୍ୟାକୁ ଡାକି ଆଣିଥାଏ ବୋଲି ବିଶ୍ୱାସ ରହିଛି।