ହୋଲିରେ ଘରକୁ କ’ଣ ଆଣିବା ଶୁଭ

ରଙ୍ଗର ପର୍ବ ହୋଲି ସଭିଙ୍କ ମନରେ ଖୁସି ଭରିଦିଏ। ବାସ୍ତୁଶାସ୍ତ୍ର ଅନୁଯାୟୀ, ଏହି ପବିତ୍ର ଦିନରେ କିଛି ଖାସ୍‌ ଜିନିଷ ଘରକୁ ଆଣିବା ବି ଶୁଭ ହୋଇଥାଏ। ଯେମିତି କି…
* ବାମ୍ବୋ ପ୍ଲାଣ୍ଟକୁ ସକାରାତ୍ମକ ଊର୍ଜାର ପ୍ରତୀକ ବୋଲି କୁହାଯାଇଥାଏ। ଯେଉଁ ଘରେ ଏହି ଗଛ ଥାଏ, ସେଠି ସୁଖଶାନ୍ତି ବୃଦ୍ଧିପାଏ ବୋଲି ବିଶ୍ୱାସ କରାଯାଏ। ହୋଲି ଅବସରରେ ଘରକୁ ବାମ୍ବୋ ପ୍ଲାଣ୍ଟ ଆଣିବା ଶୁଭ ବୋଲି ବାସ୍ତୁଶାସ୍ତ୍ରରେ ଉଲ୍ଲେଖ ରହିଛି।
* ବାସ୍ତୁଶାସ୍ତ୍ର ଅନୁଯାୟୀ, ଘରର ମୁଖ୍ୟଦ୍ୱାରରେ ଆମ୍ବପତ୍ରର ମାଳ ଲଗାଇବା ଶୁଭ ହୋଇଥାଏ। ଖାସ୍‌ କରି ହୋଲି ଅବସରରେ ଘରର ମୁଖ୍ୟଦ୍ୱାରରେ ଆମ୍ବପତ୍ରର ମାଳ ଲଗାଇଲେ ମହାଲକ୍ଷ୍ମୀ ପ୍ରସନ୍ନ ହୋଇଥାନ୍ତି।
* ହୋଲି ଅବସରରେ ଘରକୁ ରୁପା କଏନ୍‌ ଆଣିବା ବି ଶୁଭ ହୋଇଥାଏ। ଏହି କଏନ୍‌କୁ ପୂଜା କରି ନାଲି କିମ୍ବା ହଳଦିଆ ରଙ୍ଗର କପଡ଼ାରେ ଗୁଡ଼ାଇ ଆଲମାରୀରେ ରଖିଲେ ଆର୍ଥିକାବସ୍ଥା ସୁଧୁରିଥାଏ ବୋଲି ବିଶ୍ୱାସ ରହିଛି।
* ଘରେ କଇଁଛ ପ୍ରତୀମା ରଖିବା ବି ଶୁଭଫଳ ଦେଇଥାଏ। ବିଶେଷକରି ହୋଲି ଅବସରରେ ଘରକୁ ଏମିତି କଇଁଛ ପ୍ରତୀମା ଆଣିବା ଦରକାର; ଯାହାର ପିଠିରେ ଶ୍ରୀଯନ୍ତ୍ର ଅବା କୁବେର ଯନ୍ତ୍ରର ଚିହ୍ନ ଥିବ। କୁହାଯାଏ, ଏଭଳି ପ୍ରତୀମାକୁ ଘରକୁ ଆଣିଲେ ମାତା ଲକ୍ଷ୍ମୀ କୃପା କରିଥାନ୍ତି।
* ହୋଲି ଅବସରରେ ଘରର ଠାକୁରଙ୍କ ପାଇଁ ନୂତନବସ୍ତ୍ର ହେଉ ଅଥବା କିଛି ପୂଜା ସାମଗ୍ରୀ କିଣିଲେ ବି ପ୍ରଭୁ କୃପା ମିଳିଥାଏ ବୋଲି ବିଶ୍ୱାସ କରାଯାଏ।