ଦିନଯାକର ପରିଶ୍ରମ ପରେ ଥକ୍କାପଣ ଯୋଗୁ ଅନେକେ ରାତିରେ ତ୍ୱଚାର ଠିକ୍ରେ ଯତ୍ନ ନ ନେଇ ସେମିତି ଶୋଇପଡ଼ନ୍ତି; ଯଦ୍ଦ୍ବାରା ତ୍ୱଚାର ଚମକ ଧୀରେ ଧୀରେ କମିବାକୁ ଲାଗେ। ତେଣୁ ରାତିରେ ବିଶେଷ କରି ଖରାଦିନେ ଶୋଇବା ପୂର୍ବରୁ
କ’ଣ କଲେ ତ୍ୱଚା ଗ୍ଲୋ କରିବା ସହ ଆକର୍ଷଣୀୟ ଲାଗିବ,ଜାଣନ୍ତୁ ସେ ସମ୍ପର୍କରେ…
* ରାତିରେ ଶୋଇବା ପୂର୍ବରୁ ତ୍ୱଚା ପାଇଁ ଆଉ କିଛି କରନ୍ତୁ କି ନ କରନ୍ତୁ ନିହାତି ଭାବେ ଥଣ୍ଡା, ପରିଷ୍କାର ପାଣିରେ ମୁହଁକୁ ଭଲ ଭାବେ ଧୋଇ ତା’ପରେ ଶୁଅନ୍ତୁ। ଦେଖିବେ ଫ୍ରେଶ୍ ଲାଗିବା ସହ ରାତିରେ ଭଲ ନିଦ ହେବ।
* ଖରାଦିନେ ରାତିରେ ଶୋଇବା ପୂର୍ବରୁ କିଛି ମୁଲତାନି ମାଟି, କାକୁଡ଼ି ରସ ଓ ଚନ୍ଦନ ପାଉଡର ନେଇ ଏକ ଘୋଳ ପ୍ରସ୍ତୁତ କରି ମୁହଁରେ ଲଗାଇବେ। ଅଧଘଣ୍ଟା ପରେ ଥଣ୍ଡା ପାଣିରେ ମୁହଁ ଧୋଇଦେବେ। ଏମିତି କିଛିଦିନ କଲେ ଦେଖିବେ ତ୍ୱଚାରେ କ୍ରମେ ଚମକ୍ ଆସିଯିବ।
* କେତେକଙ୍କର ଆଖି ତଳ କଳା ପଡ଼ିବା ସମସ୍ୟା ରହିଥାଏ। ରାତିରେ ଶୋଇବା ପୂର୍ବରୁ ଆଖି ତଳେ ଭଲ ବ୍ରାଣ୍ଡର ଆଇକ୍ରିମ୍ ଲଗାଇବା ସହିତ ଡାକ୍ତରଙ୍କ ପରାମର୍ଶ କ୍ରମେ ଆଖିର ଥକ୍କାପଣ ଦୂର କରିବା ପାଇଁ ଆଇଡ୍ରପ୍ ପକାଇଲେ ଦେଖିବେ କ୍ରମେ ଆଖି ସହ ତ୍ୱଚାରେ ବି ଚମକ୍ ଆସିଯିବ।
* କେବଳ ମୁହଁ କାହିଁକି ଶୋଇବା ପୂର୍ବରୁ ଶରୀରର ବାକି ଅଙ୍ଗରେ ବି ଭଲ ବ୍ରାଣ୍ଡର ନାଇଟ୍ କ୍ରିମ୍/ବଡ଼ି ଲୋଶନ କିମ୍ବା ଖାଲି ନଡ଼ିଆ ତେଲ ବି ଲଗାଇଲେ, ତ୍ୱଚା ଗ୍ଲୋ କରିବା ସହ ସମୟ ପୂର୍ବରୁ ଏଥିରେ ରିଙ୍କିଲ୍ସ ମଧ୍ୟ ଆସିବ ନାହିଁ।
* ରାତିରେ ଶୋଇବା ପୂର୍ବରୁ କେଶର ମସାଜ୍ କଲେ ବି ଭଲ ନିଦ ହେବା ସହ ଫ୍ରେଶ୍ ଲାଗେ; ଯାହା ତ୍ୱଚାରେ ସ୍ବତଃ ଗ୍ଲୋ ଆଣି ଦେଇଥାଏ।