ନୂଆଦିଲ୍ଲୀ: ହ୍ବାଟ୍ସଆପ୍ର ଅନେକ ଫିଚର ରହିଛି। ସେଥିରୁ ଗୋଟିଏ ହେଲା ବ୍ଲକ ଅପ୍ଶନ। ଏହାକୁ ବ୍ୟବହାର କରି ବ୍ୟବହାରକାରୀ ଯେକୌଣସି ବ୍ୟବହାରକାରୀଙ୍କୁ ବ୍ଲକ କରିପାରିଥାଉ। ଏହାପରେ ସେ ଆମକୁ ମେସେଜ ପଠାଇପାରନ୍ତି ନାହିଁ। ଏହାଛଡ଼ା ସେ ଆମର ପ୍ରୋଫାଇଲ ଫଟୋ ଏବଂ ଷ୍ଟାଟସ୍ ମଧ୍ୟ ଦେଖିପାରି ନ ଥାନ୍ତି। ଏନେଇ ଅପରପକ୍ଷରେ ଥିବା ବ୍ୟକ୍ତିଙ୍କ ପାଖକୁ କୌଣସି ସୂଚନା ଯାଇ ନ ଥାଏ।
ଯଦି କେହି ଆପଣଙ୍କୁ ବ୍ଲକ କରିଥାଏ ଏବଂ ଆପଣ ତାହା ଜାଣିବାକୁ ଚାହାନ୍ତି ତେବେ ନିମ୍ନଲିଖିତ କାରଣ ଗୁଡ଼ିକ ଦେଖନ୍ତୁ। ସବୁଗୁଡ଼ିକ ସତ ସାବ୍ୟସ୍ତ ହେଲେ, ନମ୍ବର ବ୍ଲକ ହୋଇଥିବା ସ୍ପଷ୍ଟ ହୋଇଯିବ।
-କେହି ବ୍ଲକ କରିଥିଲେ, ତାର ଲାଷ୍ଟ ସିନ୍ ସହ ଷ୍ଟାଟସ୍ ଦେଖାଯିବ ନାହିଁ
-ବ୍ଲକ କେହି କରିଲେ ତାଙ୍କ ପ୍ରୋଫାଇଲ ଫଟୋ ଦେଖାଯାଏ ନାହିଁ।
-କେହି ବ୍ଲକ କଲେ ତାଙ୍କୁ ମେସେଜ ପଠାଇପାରିବେ ନାହିଁ। ତାହା ଗୋଟିଏ ନୀଳ ଟିକ୍ରେ ରହିବ। ଉକ୍ତ ମେସେଜ ତାଙ୍କୁ କେବେ ବି ଯିବ ନାହିଁ।
-ଯିଏ ଆପଣଙ୍କୁ ବ୍ଲକ କରିଛି, ତାଙ୍କୁ ଆପଣ ଭଏସ୍ ନଚେତ ଭିଡିଓ କଲ୍ କରିପାରିବେ ନାହିଁ।
କିପରି ବ୍ଲକ କରାଯାଏ:
-ହ୍ବାଟ୍ସଆପ୍ ଖୋଲନ୍ତୁ। ଏହାପରେ ଯେଉଁ ନମ୍ବର ବ୍ଲକ କରିବାକୁ ହେବ ତାକୁ ଖୋଲନ୍ତୁ।
-ଏହାପରେ ଡାହାଣ ପଟ କଡରେ ଥିବା ତିନୋଟି ବିନ୍ଦୁକୁ କ୍ଲିକ୍ କରନ୍ତୁ।
-ପରେ ମୋର୍ ଅପ୍ଶନକୁ ଯାଇ ବ୍ଲକ୍ ଅପ୍ଶନରେ କ୍ଲିକ୍ କରିଦିଅନ୍ତୁ।
