ଲକ୍ଷ୍ନୌ,୧୨ା୯: ଉତ୍ତରପ୍ରଦେଶର ଲକ୍ଷ୍ମୀପୁର ଖେରୀ ଜିଲାର ଫୁଲବାହାର ଥାନା ଅଞ୍ଚଳର ଜଣେ ମହିଳା ଘରେ ଥିବା ଡ୍ରମରୁ ଗହମ ବାହାର କରୁଥିଲେ। ଏଥିରୁ ଗହମ ବାହାରିବା ପରିବର୍ତ୍ତେ ଏକ ବିରାଟ ଅଜଗର ବାହାରିଲା। ଏହା ଦେଖି ପରିବାର ଲୋକେ ଆଶ୍ଚର୍ଯ୍ୟ ହୋଇଗଲେ। ସୁନ୍ଦରଓ୍ବାଲ ସହରରେ ରହୁଥିବା ଅମରେନ୍ଦ୍ର ସିଂଙ୍କ ସ୍ତ୍ରୀ ନିଜ ଘରେ ଯେତେବେଳେ ଡ୍ରମ୍ରୁ ଗହମ କାଢୁଥିଲେ ଏହା ଭିତରୁ ଏକ ଅଜଗର ବାହାରିଲା। ମହିଳା ଜଣକ ପାଟି କରିବାରୁ ପଡ଼ୋଶୀ ଆସି ଜମା ହୋଇଗଲେ। ଏମାନଙ୍କ ମଧ୍ୟରୁ ଜଣେ ଯୁବକ ସାହସର ସହ ଅଜଗରର ଲାଞ୍ଜଟିକୁ ଧରି ଏକ ଡବା ଭିତରେ ରଖି ଜଙ୍ଗଲରେ ନେଇ ଛାଡ଼ିଦେଲେ।