ସିଡନୀ,୨୬।୧୧: କରୋନା ମହାମାରୀ କାରଣରୁ ଦୀର୍ଘ ୯ ମାସ ଧରି ଅନ୍ତରାଷ୍ଟ୍ରୀୟ କ୍ରିକେଟରୁ ଦୂରରେ ରହିବା ପରେ ଏବେ ଅଷ୍ଟ୍ରେଲିଆ ବିପକ୍ଷରେ ମ୍ୟାଚ୍ ଖେଳିବେ ଭାରତୀୟ ଖେଳାଳି। ବିରାଟ କୋହଲୀଙ୍କ ଅଧନାୟକତ୍ୱରେ ଭାରତୀୟ ଟିମ୍ ଶୁକ୍ରବାର ପ୍ରଥମ ମ୍ୟାଚ୍ ଖେଳିବ। ୩ ଏକଦିବସୀୟ ସିରିଜ୍ ପରେ ତିନି ମ୍ୟାଚ୍ ବିଶିଷ୍ଟ ଟି-୨୦ ସିରିଜ ଖେଳିବେ ଉଭୟ ଟିମ୍। ଏହାପରେ ୪ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଖେଳାଯିବ। ନିକଟରେ ଆଇପିଏଲ୍ ସରିଥିବାରୁ ଭାରତୀୟ ଟିମ୍ ଭଲ ପ୍ରଦର୍ଶନ କରିବ ବୋଲି ପ୍ରଶଂସକ ଆଶା ରଖିଛନ୍ତି।
କେବେ ଖେଳାଯିବ ପ୍ରଥମ ମ୍ୟାଚ୍:
ଭାରତ-ଅଷ୍ଟ୍ରେଲିଆ ମଧ୍ୟରେ ୨୭ ନଭେମ୍ବର ୨୦୨୦(ଶୁକ୍ରବାର) ଦିନ ପ୍ରଥମ ମ୍ୟାଚ୍ ଖେଳାଯିବ।
କେଉଁଠି ଖେଳାଯିବ:
ସିଡନୀରେ ପ୍ରଥମ ମ୍ୟାଚ୍ ଖେଳାଯିବ।
ମ୍ୟାଚ୍ ସମୟ:
ଭାରତୀୟ ସମୟାନୁସାରେ ସକାଳ ୮ଟାରେ ପ୍ରଥମ ମ୍ୟାଚ୍ ଆରମ୍ଭ ହେବ।
କେଉଁ ଚ୍ୟାନେଲରେ ଦେଖିପାରିବେ?
ଭାରତୀ-ଅଷ୍ଟ୍ରେଲିଆ ମ୍ୟାଚ୍ର ଲାଇଭ୍ ପ୍ରସାରଣ ସୋନି ସିକ୍ସ, ସୋନି ଟେନ୍-୧, ସୋନି ଟେନ୍-୩ ଚ୍ୟାନେଲରେ ଦେଖିପାରିବେ। ଏହାଛଡ଼ା ଡିଡି ସ୍ପୋଟ୍ସରେ ମଧ୍ୟ ଦେଖିପାରିବେ।