ନୂଆଦିଲ୍ଲୀ,୨୨।୭: ପେସର ଦୀପକ ଚହର ଶ୍ରୀଲଙ୍କା ବିପକ୍ଷ ଦ୍ୱିତୀୟ ମ୍ୟାଚ୍ରେ ଟିମ୍ ଇଣ୍ଡିଆ ପାଇଁ ହିରୋ ସାଜିଥିଲେ। ତାଙ୍କର ୬୯ ରନ୍ର ଇନିଂସ ଯୋଗୁ ୩ ମ୍ୟାଚ୍ ବିଶିଷ୍ଟ ସିରିଜ୍କୁ ୨-୦ରେ ଆଗୁଆ ଜିତି ନେଇଛି ଭାରତୀୟ ଦଳ। କିନ୍ତୁ ଏହି କ୍ରିକେଟରଙ୍କୁ ଘରୋଇ କ୍ୟାରିୟର ଆରମ୍ଭରୁ ଖୁବ୍ ସଂଘର୍ଷ କରିବାକୁ ପଡ଼ିଥିଲା। ଉଚ୍ଚତା କାରଣରୁ ଦୀପକଙ୍କୁ ତୁମ ଦ୍ୱାରା କ୍ରିକେଟ ହେବନି ବୋଲି କହିଥିଲେ ପୂର୍ବତନ ଭାରତୀୟ କୋଚ୍ ଗ୍ରେଗ୍ ଚାପେଲ।
ପୂର୍ବତନ ଭାରତୀୟ ପେସର ତଥା ପୂର୍ବତନ ବୋଲିଂ କୋଚ୍ ଭେଙ୍କଟେଶ ପ୍ରସାଦ ଟୁଇଟ୍ କରିଛନ୍ତି, ଜୟପୁରସ୍ଥିତ ରାଜସ୍ଥାନ କ୍ରିକେଟ ଏକାଡେମୀରେ ଉଚ୍ଚତା କାରଣରୁ ଦୀପକଙ୍କୁ ରିଜେକ୍ଟ କରିଥିଲେ ଚାପେଲ। ଆଉ କହିଥିଲେ ଅନ୍ୟ କେଉଁ ପେଶା ଦେଖ। ଏବେ ଦୀପକ ଏକାକୀ ମ୍ୟାଚ୍ ଜିତାଉଛନ୍ତି। ଏଥିରୁ ଶିଖିବାକୁ ମିଳିଲା ଯେ, ନିଜ ଉପରେ ବିଶ୍ୱାସ ରଖ। ବିଦେଶୀ କୋଚ୍ଙ୍କୁ ଅଧିକ ଗୁରୁତ୍ୱ ଦେବା ଦରକାର ନାହିଁ।