ଆଜି ସାରା ବିଶ୍ୱରେ ମହିଳା କ୍ରିକେଟର ଦବ୍ଦବା ରହିଛି। ମହିଳା କ୍ରିକେଟ ଏହି ସ୍ଥିତିରେ ପହଞ୍ଚିବା ସହଜ ନ ଥିଲା। ଏଥିପାଇଁ ବହୁତ ସଂଘର୍ଷ କରିବାକୁ ପଡିଥିଲା। ତେବେ ଏତେ ସଂଘର୍ଷ ପରେ ମଧ୍ୟ ମହିଳା କ୍ରିକେଟ ପୁରୁଷଙ୍କ ତୁଳନାରେ କମ ଧ୍ୟାନ ପାଇଥାଏ। ମହିଳା କ୍ରିକେଟ ଇତିହାସ ଏବଂ ଏହାର ପ୍ରଥମ ମ୍ୟାଚ କେବେ ଖେଳାଯାଇଥିଲା ଆସନ୍ତୁ ଜାଣିବା।
କ୍ରିକେଟ ଇତିହାସରେ ପ୍ରଥମ ମହିଳା ମ୍ୟାଚ ୨୬ ଜୁଲାଇ ୧୭୪୫ରେ ଖେଳାଯାଇଥିଲା। ତେବେ ସରକାରୀ ଆକଳନ ଅନୁଯାୟୀ, ୧୮୮୭ରେ ୟର୍କସାୟାର ପ୍ରଥମ କ୍ରିକେଟ କ୍ଲବ ହୋଇଥିଲା। ତିନି ବର୍ଷ ପରେ ପ୍ରଥମ ମହିଳା କ୍ରିକେଟ ଦଳ ଗଠନ ହେଲା। ପ୍ରଥମ ମହିଳା କ୍ରିକେଟ ଦଳର ନାମ ଇଂଲଣ୍ଡ ‘ଲେଡି କ୍ରିକେଟର’ ରଖାଯାଇଥିଲା। ଏହି ଦଳ ଗଠନ ହେବା ସହିତ ମହିଳା କ୍ରିକେଟ ବିଶ୍ୱରେ ଆରମ୍ଭ ହୋଇଥିଲା। ଆଗକୁ ଯାଇ ଏହା ଅନ୍ୟ ଦେଶରେ ପହଞ୍ଚିଥିଲା। କ୍ରିକେଟ ମହିଳାମାନଙ୍କ ମଧ୍ୟରେ ବହୁତ ଲୋକପ୍ରିୟ ହେବାକୁ ଲାଗିଲା। ଖୁବ ଶୀଘ୍ର ଏହା ଅନେକ ଦେଶରେ ଖେଳାଯିବା ଆରମ୍ଭ କଲା।
ମହିଳା କ୍ରିକେଟ ମ୍ୟାଚ ପାଇଁ କ୍ରେଜ ବହୁତ ଦ୍ରୁତ ଗତିରେ ବଢିଲା। ୧୯୩୪ରେ ପ୍ରଥମ ମହିଳା ଟେଷ୍ଟ ମ୍ୟାଚ୍ ଖେଳାଯାଇଥିଲା। ଏହି ମ୍ୟାଚ ଅଷ୍ଟ୍ରେଲିଆ ଏବଂ ଇଂଲଣ୍ଡ ଦଳ ମଧ୍ୟରେ ହୋଇଥିଲା। ଏହି ମ୍ୟାଚ୍ରେ ଇଂଲଣ୍ଡ ଦଳ ଅଷ୍ଟ୍ରେଲିଆକୁ ପରାସ୍ତ କରିଥିଲା। ୧୯୭୩ରେ, ଟେଷ୍ଟ ପରେ ମହିଳା କ୍ରିକେଟର ପ୍ରଥମ ଦିନକିଆ ମ୍ୟାଚ ଅନୁଷ୍ଠିତ ହୋଇଥିଲା। ସେବେଠାରୁ ମହିଳା କ୍ରିକେଟ କେବେ ବି ବନ୍ଦ ହୋଇ ନ ଥିଲା, ମହିଳାମାନେ ସେମାନଙ୍କର ଦକ୍ଷତା ଏବଂ ଦୃଢ ପ୍ରଦର୍ଶନ ସହିତ ସମଗ୍ର ବିଶ୍ୱରେ ନିଜର ଛାପ ଛାଡିଥିଲେ। ଆଜିର ସମୟରେ ମହିଳା କ୍ରିକେଟ ବହୁତ ଉଚ୍ଚ ସ୍ତରରେ ଅଛି। ମହିଳା ମ୍ୟାଚ ମଧ୍ୟ ପୁରୁଷ ମ୍ୟାଚ ପରି ଭଲ ପାଇବା ମିଳିଥାଏ।
