ବମ୍ବେ: ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁଜଙ୍କ ମୃତ୍ୟୁକୁ ନେଇ ଚର୍ଚ୍ଚାରେ ରହୁଛନ୍ତି ପ୍ରେମିକା ତଥା ଅଭିନେତ୍ରୀ ରିୟା ଚର୍କବର୍ତ୍ତୀ। ସୁଶାନ୍ତଙ୍କ ବାପା କୃଷ୍ଣ କୁମାର ସିଂ ରିୟାଙ୍କ ସମେତ ଛଅଜଣଙ୍କ ନାମରେ ଅଭିଯୋଗ କରିଛନ୍ତି। ଆତ୍ମହତ୍ୟା କରିବାକୁ ସୁଶାନ୍ତଙ୍କୁ ସେମାନେ ଉସୁକାଇଥିବା ଏଫ୍ଆଇଆର୍ରେ ଦର୍ଶାଇଛନ୍ତି।
ଇତିମଧ୍ୟରେ ରିୟାଙ୍କର ଏକ ପୁରୁଣା ଭିଡିଓ ବେଶ୍ ଭାଇରାଲ ହେଉଛି। ଏଥିରେ ସେ ଜୀବନରେ ପାଇବାକୁ ଚାହୁଁଥିବା ଜିନିଷଗୁଡ଼ିକ ବିଷୟରେ କହିଛନ୍ତି। ସେ ଏକ ଆଇଲ୍ୟାଣ୍ଡ, ପ୍ରାଇଭେଟ୍ ଜେଟ୍ ଏବଂ ହୋଟେଲ କିଣିବାକୁ ଚାହୁଁଥିବା କହିଛନ୍ତି। ତାଙ୍କୁ ହୋଟେଲ୍ ବହୁତ ପସନ୍ଦ ବୋଲି କହି ସେ କହି ହସି ପକାଉଛନ୍ତି। ଏହାକୁ ଦେଖି ସୁଶାନ୍ତଙ୍କ ପ୍ରଶଂସକମାନେ ତାଙ୍କୁ କଟାକ୍ଷ କରୁଛନ୍ତି।