ବଲିଉଡ୍ ସୁପରଷ୍ଟାର ଅମିତାଭ ବଚ୍ଚନ ଏବଂ ରେଖା ଭାରତୀୟ ସିନେମାର ସର୍ବଶ୍ରେଷ୍ଠ ଯୋଡିଙ୍କ ମଧ୍ୟରୁ ଅନ୍ୟତମ। ଉଭୟ ‘ସିଲସିଲା’ ଏବଂ ‘ମୁକଦ୍ଦର କା ସିକନ୍ଦର’ ପରି ଅନେକ ହିଟ ଫିଲ୍ମରେ ଏକାଠି କାମ କରିଥିଲେ। ଏକ ସମୟ ଥିଲା, ଅମିତାଭ ଏବଂ ରେଖାଙ୍କ ସମ୍ପର୍କ ବିଷୟରେ ଅନେକ ଚର୍ଚ୍ଚା ହେଉଥିଲା। ସିମି ଗରେୱାଲଙ୍କ ଟକ୍ ଶୋ’ରେ ରେଖା ବଚ୍ଚନଙ୍କ ପ୍ରତି ଥିବା ଭାବନା ବିଷୟରେ କହିଥିଲେ। ତୁମେ କେବେ ଅମିତ ଜୀଙ୍କୁ ପ୍ରେମ କରିଥିଲ କି? ସିମିଙ୍କ ଏହି ପ୍ରଶ୍ନରେ ରେଖା ତୁରନ୍ତ କହିଥିଲେ ‘ଅବଶ୍ୟ’। ମୁଁ ଏପର୍ଯ୍ୟନ୍ତ ଅମିତାଭ ବଚ୍ଚନଙ୍କୁ ନ ଭଲପାଉଥିବା ପୁରୁଷ, ମହିଳା, ଶିଶୁ ଦେଖି ନାହିଁ। ସମସ୍ତେ ତାଙ୍କ ପ୍ରେମରେ ପଡନ୍ତି। ତେବେ ମୁଁ କାହିଁକି ଅଲଗା ହେବି। ମୁଁ ମଧ୍ୟ ତାଙ୍କୁ ପ୍ରେମ କରିଛି। ଅବଶ୍ୟ ବଚ୍ଚନଙ୍କ ସହିତ ମୋର କୌଣସି ବ୍ୟକ୍ତିଗତ ସମ୍ପର୍କ ନ ଥିଲା। ଏହା ହେଉଛି ସତ୍ୟ। ବିବାଦ ଏବଂ କଳ୍ପନାଜଳ୍ପନାରେ କୌଣସି ସତ୍ୟତା ନ ଥିଲା।
ଏହି ଶୋ’େୀ ରେଖା ଅମିତାଭଙ୍କ ସ୍ତ୍ରୀ ଜୟା ବଚ୍ଚନଙ୍କ ବିଷୟରେ ମଧ୍ୟ କହିଥିଲେ। ଜୟା ବଚ୍ଚନଙ୍କ ସହ ମଧ୍ୟ କୌଣସି ମତଭେଦ ନ ଥିଲା। ଆମ ଦୁହିଁଙ୍କର ବହୁତ ଭଲ ବନ୍ଧନ ଥିଲା କିନ୍ତୁ ଗଣମାଧ୍ୟମ ପୁରା ଆମ ଭାବମୂର୍ତ୍ତିକୁ ନଷ୍ଟ କରିଦେଲା। ଆମେ ଦୁହେଁ ଗୋଟିଏ ବିଲଡିଂରେ ରହୁଥିଲୁ । ସେ ମୋର ଦିଦିଭାଇ ଥିଲେ, ତଥାପି, ଯାହା ହେଉନା କାହିଁକି, କେହି ମୋ ଠାରୁ ତାଙ୍କୁ ଛଡ଼ାଇ ନେଇ ପାରିବେ ନାହିଁ। ଭଗବାନଙ୍କୁ ଧନ୍ୟବାଦ, ସେ ମଧ୍ୟ ଏହା ହୃଦୟଙ୍ଗମ କରିଛନ୍ତି। ଯେତେବେଳେ ବି ଆମେ ଦୁହେଁ ଭେଟୁ, ସେ ମୋତେ ବହୁତ ଭଲ ପାଇବା ଦିଅନ୍ତି ବୋଲି କୁହନ୍ତି ରେଖା।
ଅମିତାଭ ବଚ୍ଚନ, ରେଖା ଏବଂ ଜୟା ବଚ୍ଚନଙ୍କୁ ଶେଷଥର ପାଇଁ ୟଶ ଚୋପ୍ରାଙ୍କ ଫିଲ୍ମ ‘ସିଲସିଲା’ରେ ଦେଖିବାକୁ ମିଳିଥିଲା। ଏହା ପରେ ରେଖା ଏବଂ ବିଗ ବି ଏକାଠି କାମ କରି ନ ଥିଲେ।