ବଲିଉଡ୍ ଅଭିନେତ୍ରୀ ତଥା ବଚ୍ଚନ ପରିବାରର ବୋହୂ ଐଶ୍ୱର୍ଯ୍ୟା ରାୟ ବଚ୍ଚନ କିଛି ଦିନ ହେବ କରୋନାରୁ ସୁସ୍ଥ ହୋଇ ଘରକୁ ଫେରିଛନ୍ତି। ତାଙ୍କର କାମ ବିଷୟରେ କହିବାକୁ ଗଲେ ସେ ଅନେକ ସୁପରଷ୍ଟାରଙ୍କ ସହ ସ୍କ୍ରିନ୍ ଶେୟାର କରିସାରିଛନ୍ତି। ସେମାନଙ୍କ ମଧ୍ୟରୁ ଜଣେ ହେଉଛନ୍ତି ରଜନୀକାନ୍ତ। ଏହି ନିକଟରେ ରଜନୀକାନ୍ତଙ୍କର ଏକ ପୂରୁଣା ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି। ଏଥିରେ ସେ କହୁଛନ୍ତି ଯେ, ଏକ ଫିଲ୍ମରେ ଐଶ୍ୱର୍ଯ୍ୟାଙ୍କ ସହ ରୋମାନ୍ସ କରୁଥିବା ବେଳେ ସେ ଭୟଭୀତ ହୋଇପଡ଼ିଥିଲେ। ଏହାର କାରଣ ହେଉଛନ୍ତି ଅମିତାଭ ବଚ୍ଚନ। କାରଣ ଅମିତାଭ ରଜନୀକାନ୍ତଙ୍କ ମଧ୍ୟରେ ଭଲ ଭଲ ବନ୍ଧୁତ୍ୱ ରହିଛି। ତେଣୁ ତାଙ୍କ ବୋହୂଙ୍କ ସହ ରୋମାନ୍ସ କରିବା ସହଜ ନ ଥିଲା ବୋଲି ସେ କହିଛନ୍ତି।
ରଜନୀକାନ୍ତ ଐଶ୍ୱର୍ଯ୍ୟାଙ୍କ ସହ ଏଥିରନ ଦି ରୋବର୍ଟରେ ଏକତ୍ର କାମ କରିଥିଲେ। ଏଥିସହ ଆହୁରି ମଧ୍ୟ ସେ କହିଥିଲେ ଯେ, ଐଶ୍ୱର୍ଯ୍ୟାଙ୍କ ସୌନ୍ଦର୍ଯ୍ୟ ଦେଖିବା ପାଇଁ ତାଙ୍କ ଫିଲ୍ମ ଦେଖିବା ଉଚିତ୍। ଏଥିସହ ତାଙ୍କର ନୃତ୍ୟ ଦକ୍ଷତା ଉତ୍କୃଷ୍ଟ। ସେ ମଧ୍ୟ ସ୍ବିକାର କରିଛନ୍ତି ଯେ, ଐଶ୍ୱର୍ଯ୍ୟାଙ୍କ ସହ ରୋମାଣ୍ଟିକ୍ ସିନ୍ କରିବା ସମୟରେ ଏକ ଅଦ୍ଭୁତ ଅନୁଭବ ହୋଇଥିଲା।
ଏହି ଯୋଡି ୨୦୧୦ରେ ରିଲିଜ୍ ହୋଇଥିବା ଫିଲ୍ମ ଏଥିରନ୍ରେ କାମ କରିଥିଲେ। ଏହା ଏଥିରନ ଫ୍ରାଞ୍ଚାଇଜର ପ୍ରଥମ ଫିଲ୍ମ।