ଥରେ ଭାବିଲେ ଆପଣ ହଠାତ୍ ଘର କବାଟ ଖୋଲୁ ଖୋଲୁ ବାହାରେ ଏକ ଅଜବ ଦୃଶ୍ୟ ଦେଖିବେ। ସେତେବେଳେ ଅବସ୍ଥା କ’ଣ ହେବ କହିଲେ। ଠିକ୍ ସେମିତି ପୋଲାଣ୍ଡର ଜଣେ ମହିଳାଙ୍କ କ୍ଷେତ୍ରରେ ଘଟିଛି। ମହିଳା ଜଣକ ଘରର କବାଟ ଖୋଲିବା ପରେ ହଠାତ୍ ଏମିତି ଏକ ଦୃଶ୍ୟ ଦେଖିଲେ, ଯେଉଁଥିରେ ସେ ଖୁବ୍ ଡରି ଯାଇଥିଲେ। ଯାଞ୍ଚ କରିବାରୁ ଯାହା ଜଣାପଡ଼ିଲା ଜାଣିଲେ ହସି ହସି ଗଡ଼ିବେ।
କ୍ରାକୋ ଆନିମଲ ଓ୍ବେଲଫାୟାର ସୋସାଇଟିର ଫେସ୍ବୁକ୍ ପେଜ୍ରେ ଏ ସମ୍ପର୍କରେ କୁହାଯାଇଛି। ସୋସାଇଟର ଅଧିକାରୀ ଏଡମଙ୍କୁ ଜଣେ ମହିଳାଙ୍କ ଫୋନ୍ ଆସିଥିଲା। ମହିଳା ଜଣକ କହିଥିଲେ ମୋ’ ଘର ବାହାରେ ଥିବା ଗଛରେ ଏକ ଅଜବ ପ୍ରାଣୀ ବସିଛି। ଯାହାକୁ ଦେଖି ମୁଁ ଖୁବ୍ ଡରିଯାଇଛି। ଆପଣ ଶୀଘ୍ର ଆସନ୍ତୁ। ଏହା ଶୁଣିବା ପରେ ଅଧିକାରୀ କହିଥିଲେ ଗଛର ଏକ ଡାଳରେ ଏକ କ୍ରିଏଚର ରଖାଯାଇଥିଲା। ଏହା ଦ୍ୱାରା ଅଲଗା ପ୍ରାଣୀମାନେ ଡରି ଏହା ମଧ୍ୟକୁ ପ୍ରବେଶ କରିପାରିବେ ନାହିଁ। ପରେ ମହିଳାଙ୍କ ମନରୁ ଦ୍ୱନ୍ଦ୍ୱ ଦୂର ହୋଇଥିଲା।
