ନୂଆଦିଲ୍ଲୀ,୧୬।୬: ଲୋକ ସଭା ନିର୍ବାଚନ ଫଳାଫଳ ପରେ ପିଏମ ମୋଦିଙ୍କ ନେତୃତ୍ୱ ଏନଡିଏ ସରକାର ପୁଣି କ୍ଷମତାକୁ ଫେରିଛି। ଏବେ ଏନଡିଏର ସହଯୋଗୀ ଦଳ ଲୋକ ସଭା ବାଚସ୍ପତି ପଦ ହାତେଇବା ପାଇଁ ଅଡି ବସିଛନ୍ତି। ତେବେ ବାଚସ୍ପତି ପଦ ସବୁଠାରୁ ଗୁରୁତ୍ୱପୂର୍ଣ୍ଣ ଅଟେ। ଏହାର ସବୁଠୁ ବଡ଼ ଉଦାହରଣ ୧୯୯୯ରେ ଦେଖିବାକୁ ମିଳିଥିଲା। ସେହି ସମୟରେ କେବଳ ଗୋଟିଏ ଭୋଟ ଯୋଗୁ ଅଟଳ ବିହାରୀ ଭାଙ୍ଗି ଯାଇଥିଲା। କାରଣ ସେତେବେଳେର ଲୋକ ସଭା ବାଚସ୍ପତି ଏନଡିଏର ନିର୍ବାଚିତ ହୋଇଥିଲେ ମଧ୍ୟ କଂଗ୍ରେସ ମୁଖ୍ୟମନ୍ତ୍ରୀଙ୍କୁ ଭୋଟ ଦେଇଥିଲେ। ଯାହାଯୋଗୁ ବାଜପେୟୀଙ୍କ ସରକାର ଭାଙ୍ଗି ଯାଇଥିଲା।
ଭାଜପା ନେତୃତ୍ୱାଧିନ ଏନଡିଏ ସରକାର ୧୯୯୯ରେ ବହୁମତ ନ ପାଇ ଗୋଟିଏ ଭୋଟ ଯୋଗୁ ପରାଜୟର ସାମ୍ନା କରିଥିଲେ। ୧୯୯୮-୧୯୯୯ରେ ଅଟଳ ବିହାରୀ ବାଜପେୟୀଙ୍କ ସମୟରେ ବାଲଯୋଗୀ ଲୋକ ସଭା ବାଚସ୍ପତି ପଦରେ ଥିଲେ। ସେତେବେଳେ ଏନଡିଏ କେବଳ ୧୯ଦଳକୁ ନେଇ ମେଣ୍ଟ କରିଥିଲା।
ବାଜପେୟୀ ସରକାରରେ ୧୩ମାସ ପୂରଣ ହେଉଣୁ ଜୟଲଳିତାଙ୍କ ନେତୃତ୍ୱ ଏଆଇଡିଏମକେ ନିଜ ସମର୍ଥନ ଫେରାଇ ନେଇଥିଲା। ଯାହାପରେ ସରକାରଙ୍କୁ ଫ୍ଲୋର ଟେଷ୍ଟ ଦେବାକୁ ପଡିଥିଲା। ଯେଉଁଥିରେ ବାଜପେୟୀ ଗୋଟିଏ ଭୋଟରେ ହାରି ଯାଇଥିଲେ। କାରଣ ଲୋକ ସଭା ବାଚସ୍ପତି ବାଲଯୋଗୀ ଓଡ଼ିଶାର ତତ୍କାଳୀନ କଂଗ୍ରେସ ମୁକ୍ୟମନ୍ତ୍ରୀ ଗୀରିଧର ଗମାଙ୍ଗଙ୍କୁ ଭୋଟ ଦେବାକୁ ଅନୁମତି ଦେଇଥିଲେ। ଯାହାଯୋଗୁ ସରକାଙ୍କ ସପକ୍ଷରେ ୨୬୯ଭୋଟ ପଡିଥିବାବେଳେ ବିପକ୍ଷରେ ୨୭୦ ଭୋଟ ପଡିଥିଲା।